મુંબઇ

કરીના કપૂર બોલિવુડની A-લિસ્ટ એક્ટ્રેસ હોવાની સાથે સોશિયલ મીડિયા પર પણ એક્ટિવ રહે છે. સાથે જ બેબો પોતાના સ્વાસ્થ્ય પ્રત્યે પણ ખૂબ ધ્યાન આપે છે. બેબો અવારનવાર પોતાના ઈન્સ્ટાગ્રામ પેજ પર વર્કઆઉટ પહેલા અને પછીની મેકઅપ વિનાની સેલ્ફી શેર કરતી રહી છે. કરીના કપૂર યોગ કરવાનું પસંદ કરે છે અને હેલ્ધી લાઈફસ્ટાઈલ જીવે છે. કરીના હેલ્ધી લાઈફસ્ટાઈલની પોતાની આદતો દીકરામાં પણ સિંચી રહી છે.

કરીના કપૂરે ઈન્સ્ટાગ્રામ પર હાલમાં જ એક તસવીર શેર કરી છે જેમાં તેનો ચાર વર્ષનો દીકરો તૈમૂર શવાસન કરતો જોવા મળી રહ્યો છે. તૈમૂરની આ તસવીર મમ્મી કરીનાએ ક્લિક કરી છે. તસવીરમાં જોઈ શકો છો કે, તૈમૂરે બ્લૂ શોર્ટ્સ અને વ્હાઈટ ટી-શર્ટ પહેરી છે અને યોગ કરવાનો પ્રયાસ કરી રહ્યો છે. જો કે, તૈમૂરની આ તસવીર સાથે કરીનાએ લખેલા કેપ્શને સૌનું ધ્યાન ખેંચ્યું છે.


કરીનાએ તસવીર શેર કરતાં લખ્યું, "યોગ પછી સ્ટ્રેચિંગ કે એક ઝોકું ખાધા પછી આળસ મરડે છે એ તમને ક્યારેય ખબર નહીં પડે���� #LockdownYoga." આ તસવીરમાં કરીનાના નવા ઘરની ઝલક પણ જોવા મળી રહી છે. કરીનાના નવા ઘરમાં અનેક તસવીરો અને પેઈન્ટિંગ્સ હશે તેવું લાગી રહ્યું છે. દિવાલ પર લટકાવેલી એક ફોટોફ્રેમ સૈફ-કરીનાની છે.



Comments

કોમેન્ટ પોસ્ટ કરવા માટે લાગિન કરો