ગાંધીનગર મુખ્યમંત્રી ભૂપેન્દ્રપટેલે મુંબઈના રોડ-શો દરમિયાના બેંક ઓફ અમેરિકાના પ્રેસિડેન્ટ, અંબુજા સિમેન્ટ, સિયેટ ટાયર્સ, રિલાયન્સ ઇન્ડસ્ટ્રીઝ, જી.ઈ. અને હિન્દુજા ગ્રૂપ ઓફ કંપનીના વડાઓ સાથે વન ટુ વન બેઠક યોજી હતી. તેમજ મુખ્યમંત્રી ભૂપેન્દ્ર પટેલે આ અગ્રણીઓને ગુજરાતમાં ઉદ્યોગ અને મૂડીરોકાણ માટે રાજ્ય સરકાર કન્ડ્યુસિવ એન્વાયરમેન્ટથી ઉદ્યોગકારોના પ્રશ્નોનો હલ લાવી તેમને ઉદ્યોગ સંસ્થાપનમાં જરૂરી સહાય કરશે તેમ જણાવ્યું હતું. ભૂપેન્દ્ર પટેલની બેંક ઓફ અમેરિકાના પ્રેસિડન્ટ અને ઇન્ડિયા હેડ સુશ્રી કાકુ નખાટે સાથે બેઠક યોજી હતી. બેઠકમાં સુશ્રી કાકુ નખાટેએ બેંક ઓફ અમેરિકાના ગુજરાત પ્રોજેક્ટ્‌સ વિશે મુખ્યમંત્રીને માહિતગાર કર્યા હતા. બેંક ઓફ અમેરિકા ગિફ્ટી સિટી કેમ્પસમાં એક લાખ ચોરસ ફૂટમાં ગ્લોબલ બિઝનેસ સર્વિસ સેન્ટર ચલાવી રહ્યું છે.તેમણે કહ્યું કે, ગિફ્ટ સિટીમાં બેંક ઓફ અમેરિકાનું કેન્દ્ર, ફિનટેક અને આર્ટિફિશિયલ ઇન્ટેલિજન્સપરપણ ધ્યાન કેન્દ્રિત કરી રહ્યું છે અને મોટાપાયે આ સેક્ટરમાં રાજ્યના યુવાનોને રોજગાર અવસર પુરા પાડે છે. જયારે મુખ્યમંત્રીએ કાકુ નખાટેને ગીફ્ટ સિટીમાં વિકસાવવામાં આવી રહેલી વિવિધ સુવિધાનો લાભ લેવા પણ જણાવ્યું હતું અને વાઇબ્રન્ટ સમિટમાં જાેડાવા આમંત્રણ આપ્યું હતું.અંબુજા સિમેન્ટ અને એસીસીના સીઇઓ નીરજ અખૌરીએ મુખ્યમંત્રી સાથે બેઠકમાં પોતાના ગ્રૂપના વિવિધ વ્યવસાયો અંગે વિસ્તૃત માહીતી આપી હતી.ત્યાર બાદ મુંબઈમાં સન ફાર્માના દિલીપ સંઘવીએ વન-ટુ-વન બેઠક યોજી હતી. જેમાં સંઘવીએ ગુજરાતમાં ફાર્મા સેક્ટરમાં તેમના રોકાણ અંગે મુખ્યમંત્રી ભૂપેન્દ્રપટેલને વાકેફ કર્યા હતા. આ સેકટરમાં તેઓ વધુ વ્યાપક સ્તરે રોકાણો કરવાના છે, તેનાંથી પણ મુખ્યમંત્રીને માહિતગાર કર્યા હતા.આ પછી સિયેટ ટાયર્સના અનંત ગોયેન્કાએ મુલાકાત બેઠક યોજીને તેમના ગ્રૂપ દ્વારા ૧૨૦૦ કરોડના રોકાણો પ્રથમ તબ્બકે કર્યા છે. જેના અંતર્ગત દર બે ત્રણ વર્ષે તેમના પ્લાન્ટમાં રોકાણ વધારી રહ્યા છે તેની વિગતો આપી હતી.રિલાયન્સ ઇન્ડ્‌સ્ટ્રીઝ લિમિટેડના એક્ઝિક્યુટિવ ડિરેક્ટર નિખિલ મેસવાણી સાથે બેઠક થઇ હતી. જેમાં મેસવાણીએ કહ્યું હતું કે, રિલાયન્સએ ઉર્જા,પેટ્રોકેમિકલ્સ, નેચરલ ગેસ, રિટેલ, ટેલિકોમ્યુનિકેશન, માસ મીડિયા અને ટેક્સટાઇલ બિઝનેસ સાથે ભારતના સૌથી મોટા ખાનગી ક્ષેત્રમાંનું એક છે. ગુજરાત ગ્રીન મેગા ઇનોવેટિવ પ્રોજેક્ટ સાથેપદાર્પણ કરી રહ્યું છે.જનરલ ઇલેક્ટ્રીકલ સાઉથ એશિયાના પ્રેસિડેન્ટ અને સી.ઇ.ઓ. મહેશપલશીકરે ગુજરાતના સાણંદના જી.ઇ. પ્લાન્ટમાંથી ૮૦% ઉત્પાદન એક્સપોર્ટ થાય છે તેની વિગત મુખ્યમંત્રીને આપી હતી. મહેશ પલશીકરે ગુજરાતની ઇન્ડસ્ટ્રીઝ અને જી.ઇ.ની એક્સપર્ટિઝ વચ્ચે વ્યુહાત્મક ભાગીદારીથીપાવર અને રિન્યુએબલ એનર્જી જેવા ક્ષેત્રોમાં મૂડીરોકાણો માટે ઉત્સુકતા દર્શાવી હતી. હિંદુજા ગ્રુપ ઓફ કંપનીઝના ચેરમેન અશોક હિંદુજાએ ઓટોમોટીવ અને ખાસ કરીને નાના વાહનોના ઉત્પાદન તથા મૂડી રોકાણના ક્ષેત્રો વિશે ચર્ચા કરી હતી. મુખ્યમંત્રીએ વન-ટુ-વન બેઠકોનો ઉપક્રમપૂર્ણ કરી ગુજરાતમાં મૂડી રોકાણની તકો, વિવિધ ક્ષેત્રોમાં ગુજરાતની સિદ્ધિઓ અને ગુજરાત દેશના રોલ મોડેલ તરીકે ઉભરી આવ્યું છે તેની વિસ્તૃત જાણકારી ઉદ્યોગ અને વેપાર જગતના અગ્રણીઓ, ડેલિગેટ્‌સ અને આમંત્રિતો સમક્ષ રોડ-શો અંતર્ગત આપી હતી.