નવી દિલ્હી  

વર્ષ 2020 માં, કોવિડ -19 રોગચાળાને કારણે ઘણી ક્રિકેટ શ્રેણી રદ કરવામાં આવી હતી. માર્ચના અંતથી નવેમ્બર સુધી, ટીમ ઇન્ડિયાએ વનડે સિરીઝ રમી ન હતી. આ વર્ષે ભારતે ત્રણ વનડે મેચ રમી હતી, જેમાં માર્ચ પહેલા ઓસ્ટ્રેલિયા અને ન્યુઝીલેન્ડ સામે ત્રણ મેચની શ્રેણીનો સમાવેશ કરવામાં આવ્યો હતો, જ્યારે ભારતે ઓસ્ટ્રેલિયા પ્રવાસ પર ત્રણ મેચની વનડે શ્રેણીમાં પણ ભાગ લીધો હતો. ભારતે આ વર્ષે કુલ 9 વનડે મેચ રમી હતી જેમાં કેએલ રાહુલે સૌથી વધુ રન બનાવ્યા હતા.

વર્ષ 2020માં, કેએલ રાહુલે કુલ 9 વનડેમાં ભાગ લીધો હતો અને તેની 9 ઇનિંગમાં 55.37 ની સરેરાશથી 443 રન બનાવ્યા હતા. આ દરમિયાન તેણે સદી અને 3 અડધી સદી ફટકારી જ્યારે 29 ચોક્કા અને 16 છગ્ગા ફટકાર્યા. ભારત માટે આ વર્ષે વનડેમાં કેએલ સૌથી વધુ રન બનાવ્યા. જ્યારે વિરાટ કોહલી ૯ મેચમાં 47.88ની સરેરાશથી 431 રન સાથે બીજા ક્રમે હતો. તેણે કુલ 5 અર્ધસદી ફટકારી હતી. અને આ વર્ષે તેના બેટે 35 ચોગ્ગા અને 5 છગ્ગા ફટકાર્યા છે. આ વર્ષે તે રનની દ્રષ્ટિએ બીજા સ્થાને રહ્યો. રોહિત શર્માની વાત કરીએ તો તે આ વર્ષે વનડેમાં રન બનાવવાની દ્રષ્ટિએ સાતમા ક્રમે હતો અને તેણે 3 મેચમાં 171 રન બનાવ્યા હતા.

2020માં ભારત દ્વારા વનડેમાં સૌથી વધુ રન બનાવનાર ટોચના 7 બેટ્સમેન

કેએલ રાહુલ- 9 મેચ- 443 રન

વિરાટ કોહલી - 9 મેચ - 431 રન

શ્રેયસ ઐયર- 9 મેચ- 331 રન

શિખર ધવન - 6 મેચ - 290 રન

રવિન્દ્ર જાડેજા - 9 મેચ - 223 રન

હાર્દિક પંડ્યા - 3 મેચ - 210 રન

રોહિત શર્મા - 3 મેચ - 171 રન

2020 માં વનડેમાં ત્રણ ભારતીય બેટ્સમેનોએ સદી ફટકારી હતી-

વર્ષ 2020 માં ત્રણ ખેલાડીઓએ ભારત તરફથી વનડેમાં સદી ફટકારી હતી. જેમાં શ્રેયસ ઐયર, કેએલ રાહુલ અને રોહિત શર્મા શામેલ છે. શ્રેયસે 103 રન બનાવ્યા હતા, કેએલ રાહુલે 112 રન બનાવ્યા હતા જ્યારે રોહિત શર્માએ આ વર્ષની સૌથી મોટી વનડે ઇનિંગ્સ 119 રન બનાવી હતી. વિરાટ કોહલી આ વર્ષે વનડેમાં એક સદી ફટકારી શક્યો ન હતો અને તેનો શ્રેષ્ઠ સ્કોર 89 રન હતો.

કેએલ રાહુલે સૌથી વધુ સિક્સર ફટકારી હતી

કેએલ રાહુલે વર્ષ 2020 માં ભારત તરફથી વનડે ક્રિકેટમાં સૌથી વધુ સિક્સર ફટકારી હતી. તેણે 9 મેચમાં કુલ 16 સિક્સર ફટકારી હતી જ્યારે બીજા ક્રમે રહેલા રવિન્દ્ર જાડેજાએ 9 મેચોમાં 8 સિક્સર ફટકારી હતી, જ્યારે હાર્દિક પંડ્યા અને રોહિત શર્માએ ત્રણ વનડેમાં 6-6 સિક્સર ફટકારી હતી.