મુંબઇ

રણબીર કપૂર તથા આલિયા ભટ્ટ રણથંભોરમાં સગાઈ કરશે તેવી ચર્ચા છે. જોકે, હજી સુધી કપૂર કે ભટ્ટ પરિવારે આ અંગે ઓફિશિયલ પુષ્ટિ કરી નથી. રણબીર કપૂર તથા આલિયા ઉપરાંત રણવીર સિંહ તથા દીપિકા પાદુકોણ પણ અહીંયા આવ્યા છે. રણબીર-આલિયા અહીંયા નવા વર્ષની ઉજવણી માટે આવ્યા હોવાની ચર્ચા છે. રણબીર તથા આલિયા અમન એ ખાસ રિસોર્ટમાં રોકાયા છે, જ્યારે રણવીર-દીપિકા વન્યવિલાસ હોટલમાં છે.


અમન એ ખાસ હોટલમાં ઘણાં ટેન્ટ રૂમ બનાવેલા છે. આ ટેન્ટ રૂમ છ મીટર લાંબા છે. મુઘલ સ્ટાઈલમાં બનાવેલા આ ટેન્ટની અંદર તમામ પ્રકારની સગવડો ધ્યાનમાં રખાઈ છે. હોટલ તરફથી રણથંભોર નેશનલ પાર્કમાં જંગલ સફારીની તક પણ આપવામાં આવે છે. 


રણવીર તથા દીપિકા રણથંભોરની વન્યવિલાસ હોટલમાં રોકાયા છે. આ હોટલમાં પણ ટેન્ટના રૂમ છે. આ હોટલ પણ મુઘલ સમયની યાદ અપાવે છે. હોટલમાં એક મોટો સ્વિમિંગ પૂલ બનાવવામાં આવ્યો છે અને તેનું ટેમ્પ્રેચર કંટ્રોલ કરી શકાય છે. ચર્ચા છે કે રણવીર-દીપિકા જે રૂમમાં રોકાયા છે, તેનું એક દિવસનું ભાડું 1 લાખ 88 હજાર રૂપિયા છે. જોકે, સમય તથા રૂમની ઉપલબ્ધતાને આધારે ભાડામાં ફેરફાર થતો રહે છે.


Comments

કોમેન્ટ પોસ્ટ કરવા માટે લાગિન કરો