વોશિંગ્ટન
કોરોનાવાયરસ માણસોમાં કઈ રીતે ફેલાયો એ વિશે છેલ્લા એક વર્ષથી ચાલી રહેલી ચર્ચાની વચ્ચે વિશ્વ સ્વાસ્થ્ય સંગઠન(WHO)ની ટીમ તરફથી એક મોટો દાવો કરવામાં આવ્યો છે. WHOના એક્સપર્ટ્સનું કહેવું છે કે આ વાયરસ શક્ય છે કે ચામાચીડિયાંમાંથી કોઈ બીજા જાનવર(ઇન્ટરમિડિયરી) દ્વારા માણસો સુધી પહોંચી ગયો છે. એક્સપર્ટ્સે આ વાયરસ વુહાન(ચીન)ની લેબમાંથી લીક થયો હોવાની વાતને ફગાવી દીધી છે.
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનું કહેવું હતું કે વાયરસ વુહાનની લેબમાંથી લીક થયો છે. WHOના એક્સપર્ટ્સે આ શક્યતાને નકારી દીધી છે.
ચીનનું કહેવું હતું કે વાયરસનું ઓરિજિન તેમના ત્યાં ન હતું, પરંતુ એ ઈમ્પોર્ટેડ ફ્રોઝન ફૂડ દ્વારા ત્યાં પહોંચ્યો. એક્સપર્ટે આ શક્યતાથી ઈન્કાર તો કર્યો નથી, પરંતુ કહ્યું હતું કે એની શક્યતા ખૂબ જ ઓછી છે.
જોકે એક્સપર્ટસની ટીમે વાયરસના માણસ સુધી પહોંચવાના કારણને લઈને કોઈ યોગ્ય જવાબ આપ્યો નથી. ઉલ્લેખનીય છે કે WHOના એક્સપર્ટ્સની ટીમ કોરોનાવાયરસના ઓરિજિનની માહિતી મેળવવા માટે ચીન ગઈ હતી. આ અંગે મંગળવારે ડિટેલ રિપોર્ટ પ્રસિદ્ધ કરવામાં આવશે. WHOના ડાયરેક્ટર જનરલ ટ્રેડ્રોસ અડહેનોમ ગ્રેબ્રિયીસસનું કહેવું છે કે ઈન્ટરનેશનલ એક્સપર્ટ્સ પ્રેસ-કોન્ફરન્સ કરીને જણાવશે કે તેમની તપાસમાં શું પ્રકાશમાં આવ્યું. આ સિવાય તેમણે કહ્યું હતું કે આ મહામારીના ઓરિજિનને લઈને આગળ વધુ સ્ટડીની જરૂરિયાત છે.
કોરાનાવાયરસના કારણે 15 મહિનામાં વિશ્વમાં 27 લાખ લોકોનાં મોત થયાં છે. આ સંક્રમણને કારણે ગત વર્ષે વિશ્વની સરકારોએ ટોટલ લોકડાઉન કરવું પડ્યું હતું. આ લઈને સખતાઈ હાલ પણ ચાલુ છે. લોકડાઉનને કારણે ભારત સહિત વિશ્વના દેશોની ઈકોનોમીને ઘણું નુકસાન થયું છે.
ચીન પર આરોપ લાગ્યો હતો કે કોરોનાવાયરસ વુહાનની લેબમાંથી વિશ્વમાં ફેલાયો હતો. એ પછી WHOએ એક્સપર્ટ્સની ટીમ બનાવીને તપાસ માટે ચીન મોકલી હતી. જોકે ચીને આ વખતે વાંધો વ્યક્ત કર્યો હતો. આ કારણે એક્સપર્ટ્સના રિપોર્ટમાં મોડું થયું. તપાસ ટીમને વુહાનમાં એન્ટ્રી મેળવવા મુશ્કેલી થઈ હતી. આ ટીમ આ વર્ષે 14 જાન્યુઆરીએ વુહાન પહોંચી હતી.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments