નવી દિલ્હી

પાકિસ્તાને દક્ષિણ આફ્રિકા સામે રમાયેલી બે મેચની ટેસ્ટ શ્રેણીમાં શાનદાર પ્રદર્શન કરીને 2-0થી વિજય મેળવ્યો હતો. સોમવારે, પાકિસ્તાને બીજી ટેસ્ટના અંતિમ દિવસે બીજી ઇનિંગમાં 274 રનમાં દક્ષિણ આફ્રિકાને આઉટ કરીને 95 રનની મોટી જીત મેળવી હતી. આ મેચમાં પાકિસ્તાનના ઝડપી બોલર હસન અલીએ કુલ 10 વિકેટ ઝડપી હતી.

મેચના પાંચમા દિવસે, તેઓએ 127 રનમાં 1 વિકેટથી રમવાનું શરૂ કર્યું હતું અને આખી ટીમ 274 રનમાં સમેટાઇ  હતી. પાકિસ્તાનને દક્ષિણ આફ્રિકા સામે જીતવા માટે 370 રનનો લક્ષ્યાંક હતો. ટોસ જીત્યા બાદ પ્રથમ બેટિંગ કરતા પાકિસ્તાને કેપ્ટન બાબર આઝમના 77 રનના આધારે પ્રથમ ઇનિંગ્સમાં 272 રન બનાવ્યા હતા. જેના જવાબમાં દક્ષિણ આફ્રિકા 201 રનમાં ઓલઆઉટ થઈ ગયું હતું. 71 રનની લીડ ધરાવતા પાકિસ્તાને બીજી ઇનિંગમાં 298 રન બનાવ્યા હતા.

એક હટકે મેચમાં હસન અલીએ 10 વિકેટ ઝડપી હતી

પાકિસ્તાનના ઝડપી બોલરે બંને ઇનિંગ્સમાં દક્ષિણ આફ્રિકા સામે શાનદાર બોલિંગ કરી હતી. પ્રથમ ઇનિંગમાં 54 54 રન આપીને 5 વિકેટ લેનાર હસનને બીજી ઇનિંગમાં 60 રન આપીને 5 વિકેટ ઝડપી હતી. મેચની બંને ઇનિંગ્સને જોડીને આ પાકિસ્તાની ઝડપી બોલરે કુલ 10 વિકેટ ઝડપી હતી અને તે પ્લેયર ઓફ ધ મેચ ચૂંટાયો હતો.



Comments

કોમેન્ટ પોસ્ટ કરવા માટે લાગિન કરો