સાઉધમ્પ્ટન

સાઉધમ્પ્ટનમાં રમાઈ રહેલી ભારત અને ન્યુઝીલેન્ડ વચ્ચે વર્લ્ડ ટેસ્ટ ચેમ્પિયનશીપની ફાઇનલનું પરિણામ બુધવારે રિઝર્વ ડે પર બહાર આવશે. મેચમાં ભારતીય ટીમે બીજી ઇનિંગમાં 2 વિકેટ ગુમાવીને 64 રન બનાવ્યા હતા અને ન્યૂઝીલેન્ડ પર 32 રનની લીડ મેળવી હતી. હાલમાં વિરાટ કોહલી 8 અને ચેતેશ્વર પૂજારા 12 રને અણનમ છે.

મેચના પહેલા અને ચોથા દિવસ વરસાદના કારણે સંપૂર્ણ ધોવાઈ ગયા હતા. આવી સ્થિતિમાં અમ્પાયરે રિઝર્વ ડેનો ઉપયોગ કરવાનો નિર્ણય કર્યો. ટેસ્ટમાં ભારતીય ટીમે ટોસ હારીને પ્રથમ બેટિંગ કર્યા બાદ 217 રન બનાવ્યા હતા. જેના જવાબમાં ન્યુઝીલેન્ડની ટીમ 5 માં દિવસે પ્રથમ ઇનિંગ્સમાં 249 રન જ બનાવી શકી.

બીજી ઇનિંગમાં ટીમ ઈન્ડિયાની શરૂઆત ખૂબ જ નબળી હતી. ટીમે શુભમન ગિલના રૂપમાં પ્રથમ વિકેટ 24 રનમાં ગુમાવી દીધી હતી.અહીં ભારતને બીજો ફટકો 51 ના સ્કોર પર મળ્યો. આ વખતે તે સાઉથી હતો જેણે રોહિતને એલબીડબલ્યુ કર્યો. રોહિત 30 રન બનાવીને પેવેલિયન પરત ફર્યો હતો.

ન્યુઝીલેન્ડ તરફથી ઓપનર ડેવોન કોનવેએ 54 અને કેપ્ટન કેન વિલિયમ્સને 49 રન બનાવ્યા. આ કોનવેની કારકિર્દીની બીજી અડધી સદી છે. તેમના સિવાય ટોમ લેથમે 30, ટિમ સાઉથીએ પણ 30 અને કાયલ જેમ્સને 21 રન બનાવ્યા હતા. તે જ સમયે, ઝડપી બોલર મોહમ્મદ શમીએ 4 અને ઇશાંત શર્માએ 3 વિકેટ લીધી હતી.રવિન્દ્ર જાડેજાએ એક વિકેટ ઝડપી હતી. છેવટે તેણે ટીમ સાઉથીને ક્લીન બોલ્ડ કરી દીધો હતો.


Comments

કોમેન્ટ પોસ્ટ કરવા માટે લાગિન કરો