સ્મશાનોમાં ભડભડ સળગી રહેલી કતારબંધ ચિતાઓ, સરકારી અને ખાનગી દવાખાનાઓમાં મૃત્યુ સાથે ઝઝૂમી રહેલા દર્દીઓ અને ઊંચાજીવે ચિંતાતુર બેઠેલા તેમના હજારો કુટુંબીજનો, એક-એક ઈન્જેકશન, એક-એક ખાલી બેડ માટે બેબાકળા રખડતા નગરજનોના કપાળ પર તણાયેલી ચિંતાની રેખાઓ અને આંખોમાં ડોકાતા મૃત્યુના ભયના ઓળાઓના આ ગમગીન માહોલમાં, જ્યારે ટપ... ટપ... પડતી લાશોની મિજબાની માણવા મોઢામાં છૂટેલા પાણી સાથે નગરના આકાશમાં ગીધડાઓ ચક્કર કાપી રહ્યા છે, ત્યારે આ નગરના એક-એક નાગરિકને આરોગ્ય સેવાઓ પૂરી પાડવાની ફરજિયાત ફરજ હોવા છતાં નિષ્ફળ ગયેલું પાલિકાનું તંત્ર એક વિસ્તારના ૩૧ ગેરકાયદે બાંધકામોને જમીનદોસ્ત કરવા તેની મશીનરી કામે લગાડે ત્યારે સ્વાભાવિક રીતે જ એ તંત્ર ઉપર ફિટકાર વરસાવવાનું મન થાય.
‘નબળો ધણી બૈરી પર શૂરો’ એ કહેવત સાર્થક કરતી પાલિકાની દબાણ શાખા આજે કિશનવાડી ઝંડાચોક ખાતે ૩૧ ગેરકાયદે દબાણો દૂર કરવા ત્રાટકી ત્યારે મોતના ભયના આવા ખોફનાક માહોલમાં એમનો હાથ પકડી રોકનાર આ વિસ્તારનો એક પણ કોર્પોરેટર, ધારાસભ્ય કે શાસક ભાજપાના સંગઠનનો એકપણ નેતા ફરકયો સુધ્ધાં નથી.
સત્તા મળી ગયા પછી પ્રજાની આ ઉપેક્ષા દ્વારા ભાજપાએ વધુ એકવાર પોતાનું ચારિત્ર્ય, સ્વભાવ અને આદત સાબિત કરી આપી છે. પ્રશ્ન એ છે કે આજે આખું શહેર જ્યારે ભયથી ફફડી રહ્યું છે ત્યારે એના વાંસે હૂંફાળો હાથ ફેરવી સાંત્વના આપવાના બદલે પાલિકાની વહીવટી પાંખને એવી કઈ ઈમરજન્સી લાગી કે એ ગેરકાયદે બાંધકામો તોડવાને પ્રાથમિકતા આપે!? વહીવટીતંત્ર તો અમાનવીય છે જ, પણ ચૂંટાયેલી પાંખ પણ ચૂપ રહીને પોતાની મૌન સંમતિ આપે એ માત્ર શરમજનક જ નહીં, લાખો મતદારોએ તેમના મુકેલા વિશ્વાસનું છડેચોક અપમાન છે.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments