મુંબઈ 

રણજી ટ્રોફીના દિગ્ગજ અને મુંબઇના ભૂતપૂર્વ કેપ્ટન અમોલ મજુમદારની આગામી સ્થાનિક સીઝન માટે મંગળવારે મુંબઈ સિનિયર ટીમના કોચ તરીકે નિમણૂક કરવામાં આવી છે. મજુમદાર રમેશ પવારની જગ્યા લેશે, જેમને ભારતની વરિષ્ઠ મહિલા ક્રિકેટ ટીમના કોચ તરીકે નિયુક્ત કરવામાં આવ્યા છે. જતીન પરાંજપે (અધ્યક્ષ), નિલેશ કુલકર્ણી અને વિનોદ કાંબલી સાથે મુંબઈ ક્રિકેટ એસોસિએશન (એમસીએ) ની ક્રિકેટ રિફોર્મ કમિટી (સીઆઈસી) એ મજુમદારની નિમણૂક કરવાનો ર્નિણય કર્યો. સીઆઈસીએ બલવિંદર સિંઘ સંધુ, વસીમ જાફર, સાઇરાજ બહુલે, સુલક્ષણ કુલકર્ણી, પ્રદીપ સુંદરમ, નંદન ફડનીસ, ઉમેશ પટવાલ અને વિનોદ રાઘવન સહિત અન્ય આઠ ઉમેદવારોનો ઇન્ટરવ્યુ પણ લીધો હતો.

મુંબઇના કોચ પદ માટેની રેસમાં મજુમદારને ચાર મહિના પહેલા ભૂતપૂર્વ ભારતના પૂર્વ ઓફ સ્પિનર પવાર દ્વારા પરાજિત કરવામાં આવ્યો હતો. જેના માર્ગદર્શન હેઠળ મુંબઈએ ગત સિઝનમાં વિજય હઝારે ટ્રોફીનો ખિતાબ જીત્યો હતો, પરંતુ ભારતીય ટીમમાં જોડાતા જ તેણે પદ છોડવું પડ્યું હતું.

મુંબઇના દિગ્ગજ ખેલાડી મજુમદારે ૧૯૯૩ થી ૨૦૧૩ વચ્ચે ૧૭૧ ફર્સ્‌ટ ક્લાસ મેચોમાં ૧૧૧૬૭ રન બનાવ્યા હતા. નિવૃત્તિ પછી ટીકા તરીકેનો કાર્યભાર સંભાળનાર મજુમદરે નેશનલ ક્રિકેટ એકેડેમી અને ઈન્ડિયન પ્રીમિયર લીગની ટીમ રાજસ્થાન રોયલ્સમાં બેટિંગ કોચ તરીકે જોડાયો હતો. જ્યારે તે ભારત સામેની ૨૦૧૯- ૨૦ની શ્રેણીમાં દક્ષિણ આફ્રિકાના વચગાળાના બેટિંગ કોચ પણ હતો.


Comments

કોમેન્ટ પોસ્ટ કરવા માટે લાગિન કરો