ન્યૂ દિલ્હી

ઓસ્ટ્રેલિયામાં લાગુ કરાયેલી આંતરરાષ્ટ્રીય મુસાફરી પ્રતિબંધ સપ્ટેમ્બર ૨૦૨૧ સુધી વધારવામાં આવ્યો છે. આ રીતે 'બાયોસિક્યુરિટી ઇમર્જન્સી અવધિ' વિસ્તરી છે. હવે સરકારને વિદેશી ફ્લાઇટ્‌સ અને ક્રુઝ શિપ પર પ્રતિબંધ મૂકવાની શક્તિ મળી ગઈ છે. આરોગ્ય પ્રધાન ગ્રેગ હંટે ગુરુવારે પુષ્ટિ આપી હતી કે બાયોસિક્યુરિટી એક્ટ ૨૦૧૫ હેઠળ જાહેર કરાયેલા 'હ્યુમન બાયોસિક્યુરિટી ઇમર્જન્સી પિરિયડ'માં ૧૭ માર્ચ, ૨૦૨૧ થી ત્રણ મહિનાનો વધારો કરવામાં આવ્યો છે. તે ૧૭ જૂન ૨૦૨૧ સુધીમાં સમાપ્ત થવાનું હતું, પરંતુ હવે તે ૧૭ સપ્ટેમ્બર ૨૦૨૧ સુધી લાગુ રહેશે.

સપ્ટેમ્બર સુધીમાં ઓસ્ટ્રેલિયાની સરહદો બંધ કર્યાના દોઢ વર્ષ પુરા થશે. તે કોવિડને ધ્યાનમાં રાખીને ગયા વર્ષથી બંધ છે. બીજી તરફ દેશ ડિસેમ્બર ૨૦૨૧ સુધીમાં બધા ઓસ્ટ્રેલિયન નાગરિકોને રસી આપવાના લક્ષ્યાંકથી હજી પાછળ છે. એએચપીપીસીએ કહ્યું કે આંતરરાષ્ટ્રીય કોવિડ પરિસ્થિતિ હજી ચિંતાજનક છે, તેથી પ્રતિબંધની અવધિ વધારવી જોઈએ. જો કે મુસાફરી પર પ્રતિબંધ હોવા છતાં, કેટલીક ફ્લાઇટ્‌સને મંજૂરી આપવામાં આવશે. આમાં ન્યૂઝીલેન્ડ જેવા દેશો સાથે બનેલા 'ટ્રાવેલ બબલ' શામેલ છે.


Comments

કોમેન્ટ પોસ્ટ કરવા માટે લાગિન કરો