ઇડર,તા.૨૯ 

સાબરકાંઠાના ઇડર શહેરમાં આવેલા પાવાપુરી જૈન મંદિરના બે જૈન મુનિઓએ લંપટલીલા આચરવાની ઘટનામાં પોલીસે ફરિયાદના આધારે બંને જૈન મુનિ ધરપકડ કરી હતી. તેમને સોમવારના રોજ કોર્ટમાં રજૂ કરવામાં આવ્યા હતા. આરોપી જૈન મુનિ કલ્યાણ સાગર અને રાજતિલક સાગરના શરતી જામીન કોર્ટે મંજુર કર્યા છે. ઇડરની કોર્ટે શરતી જામીન આપ્યા છે. કોર્ટે ૧૫,૦૦૦ રૂપિયાના જામીન પર આરોપીઓને મુક્ત કરતી વખતે તપાસમાં સહકાર આપવા તેમજ પુરાવા સાથે કોઈપણ પ્રકારના ચેડા નહીં કરવાની કોર્ટે શરત લાદી છે. આરોપીઓના સરનામા સહિતની વિગતો કોર્ટમાં રજુ કરવાની રહેશે. પોલીસે છ અલગ અલગ મુદ્દાઓ ટાંકીને તપાસમાં આરોપીઓની હાજરી જરૂરી હોવાના કારણોસર ૧૪ દિવસના રિમાન્ડ માંગ્યા હતા. 


Comments

કોમેન્ટ પોસ્ટ કરવા માટે લાગિન કરો