મુંબઇ 

કોરિયોગ્રાફર પુનિત જે. પાઠક ફિયાન્સે નિધિ મુની સિંહ સાથે ગઈકાલે (11 ડિસેમ્બર) લગ્નના બંધનમાં બંધાઈ ગયો. લોનવાલામાં આવેલા રિસોર્ટમાં બે દિવસના લગ્ન સમારોહનું આયોજન કરવામાં આવ્યું હતું. જ્યાં મહેંદી સેરેમની, લગ્ન અને બ્રંચ રિસેપ્શન યોજાયું હતું. પુનિતાના લગ્નમાં પરિવારના સભ્યો સિવાય ભારતી સિંહ, હર્ષ લિંબાચિયા સહિત ટીવી ઈન્ડસ્ટ્રીના કેટલાક ફ્રેન્ડ્સ પણ ઉપસ્થિત રહ્યા હતા. ઉલ્લેખનીય છે કે, લગ્ન કરતાં પહેલા પુનિત અને નિધિએ અઢી વર્ષ સુધી ડેટિંગ કર્યું હતું.

પુનિત અને નિધિએ પ્રભુતામાં પગલા માંડી દીધા છે ત્યારે તેની તસવીરો અને વીડિયો ઈન્ટરનેટ પર ખૂબ વાયરલ થઈ રહ્યા છે.


લગ્ન બાદ પુનિતે કહ્યું કે, તે ખુશ છે કે લોકો પોતાના વ્યસ્ત શિડ્યૂલમાંથી થોડો સમય કાઢીને તેના જીવનના ખાસ દિવસે ઉપસ્થિત રહ્યા. તેણે તેમ પણ ઉમેર્યું કે, મહામારીના કારણે તે ઘણા લોકોને આમંત્રિત કરી શક્યો નહીં.


પુનિત અને નિધિની પહેલી મુલાકાત ડાન્સ રિયાલિટી શો 'ઝલક દિખલા જા'ના સેટ પર થઈ હતી. બંનેએ આ વર્ષના ઓગસ્ટ મહિનામાં સગાઈ કરી હતી. પુનિતે અગાઉ જણાવ્યું હતું કે, લોકડાઉને તેને આ વિશે વિચારવાનો સમય આવ્યો અને તેમને લાગ્યું કે, લગ્ન કરવાનો આ જ ઉચિત સમય છે.




Comments

કોમેન્ટ પોસ્ટ કરવા માટે લાગિન કરો