વડોદરા, તા.૨૨

શહેરના ગોત્રી વિસ્તારમાં ચંદ્રમૌલેશ્વર સોાસયટીમાં ઘરની ગેસલાઈન લીકેજ થવાના કારણે બનેલા આગના બનાવમાં દાઝેલા માતા-પુત્ર પૈકી ત્રણ વર્ષીય બાળકનું સારવાર દરમિયાન મોત નીપજ્યું હતું. જ્યારે માતાની હાલત નાજુક હોવાનું તબીબીસૂત્રો દ્વારા જાણવા મળેલ છે.

આ બનાવની વિગત મુજબ ગઈકાલે રાત્રિના સમયે ગોત્રી વિસ્તારમાં આવેલ ગાયત્રી સ્કૂલ નજીક ચંદ્રમૌલેશ્વર સોસાયટીના એક મકાનમાં ગેસની લાઈનમાંથી ગેસ લીકેજ થઈ રહ્યો હતો. જેના કારણે વીજ લાઈટની સ્વીચ ચાલુ કરતાં જ ઘરમાં ગેસનો ફેલાવો થવાથી આગ ભભૂકી ઊઠી હતી. આ બનાવમાં ઘરમાં હાજર નયનાબેન ઉમંગભાઈ બારોટ (ઉં.વ.રર) અને પુત્ર મિવાન ઉમંગભાઈ બારોટ (ઉં.વ.૩) દાઝી ગયાં હતાં. આ બંનેને સારવાર માટે સયાજી હોસ્પિટલમાં લઈ જવાયાં હતાં, જ્યાં સારવાર દરમિયાન માસૂમ પુત્ર મિવાનનું મોત નીપજ્યું હતું, જ્યારે માતાની હાલત નાજુક હોવાનું તબીબીસૂત્રો દ્વારા જાણવા મળે છે.


Comments

કોમેન્ટ પોસ્ટ કરવા માટે લાગિન કરો