બોડેલી, બોડેલી પોલીસે જબુગામ પાસે આવેલ મેરિયા પુલ પાસે વાહન ચેકીંગ દરમિયાન પસાર થઇ રહેલી ખાનગી લકઝરી બસ અટકાવી તપાસ કરતા બસમાં સોસીયલ ડિસ્ટન્સ ન જળવાતા સરકારની કોરોના અંગેની ગાઈડલાઈનનું ઉલ્લંઘન થતા પોલીસે લકઝરીના ચાલક, કંડકટર તેમજ ક્લીનરની અટકાયત કરી બસને કબ્જે કરી કાયદેસરની કાર્યવાહી હાથ ધરી છે. ગુજરાત સરકાર તેમજ જિલ્લા મેજિસ્ટ્રેટ છોટાઉદેપુરના જાહેરનામા તેમજ ગાઇડલાઇનનું ચુસ્તપણે પાલન કરાવવા જરૂરી સૂચનાઓ આપેલ જે અનુસંધાને જિલ્લાના સુપરવીઝન અધિકારી, છોટાઉદેપુર એસ.ટી / એસ.સી.સેલના નાયબ પોલીસ અધિક્ષક એ.એસ પટણી તેમજ સર્કલ પોલીસ ઇન્સ્પેકટર એ. એસ દેસાઈ માર્ગદર્શન હેઠળ બોડેલીના પીએસઆઇ એ.એસ સરવૈયા તેમજ એ.એસ.આઈ ભરતભાઈ તેમજ સ્ટાફના પોલીસ કર્મચારીઓ જબુગામ પાસે આવેલ મેરિયા પુલ પાસે વાહન ચેકીંગ કરી રહ્યા હતા તે સમય દરમિયાન સુરત થી કુકસી (માધ્ય પ્રદેશ) જઈ રહેલ ખાનગી લકઝરી બસને અટકાવી તપાસ કરતા બસમાં વધારે મુસાફરો બેસાડી સોસીયલ ડિસ્ટન્સ ન જળવાતા સરકારની કોરોઅંગેની ગાઈડલાઈન નું ઉલ્લંઘન થતા કાયદેસરની કાર્યવાહી હાથ ધરી છે.


Comments

કોમેન્ટ પોસ્ટ કરવા માટે લાગિન કરો