સિડની

ભારત અને ઓસ્ટ્રેલિયા વચ્ચે ચાર ટેસ્ટ સિરીઝની ત્રીજી મેચ સિડની ક્રિકેટ ગ્રાઉન્ડ ખાતે રમાઈ રહી છે. ઓસ્ટ્રેલિયાએ પ્રથમ દિવસે ટોસ જીતીને પ્રથમ બેટિંગ પસંદ કરી હતી. ડેવિડ વોર્નર 5 રનમાં આઉટ થતાં કાંગારૂની શરૂઆત ખરાબ રહી હતી. જોકે એ પછી વિલ પુકોવ્સ્કી અને માર્નસ લબુશેને બાજી સંભાળી ઓસ્ટ્રેલિયન ઇનિંગ્સને સ્થિરતા આપી છે. ટી-બ્રેક સમયે ઓસ્ટ્રેલિયાએ 1 વિકેટના નુકસાને 93 રન કર્યા છે. ઓસ્ટ્રેલિયા મજબૂત સ્થિતિમાં છે તો એમાં તેમના બેટ્સમેન જેટલો જ ફાળો ભારતીય વિકેટકીપર ઋષભ પંતનો છે.

વિલ પુકોવ્સ્કી 26 રને રમી રહ્યો હતો ત્યારે રવિચંદ્રન અશ્વિનની બોલિંગમાં કીપર ઋષભ પંતે તેનો સરળ કેચ છોડ્યો હતો. એ પછી સિરાજની બોલિંગમાં પણ પંતે પુકોવ્સ્કીનો જ કેચ છોડ્યો હતો, એ સમયે ઓસ્ટ્રેલિયન ઓપનર 32 રને રમી રહ્યો હતો. 

પંતની નબળી વિકેટકીપિંગ ફેન્સથી સહન થઈ નથી. તેઓ અત્યારે હેરાફેરી, જેઠાલાલ સહિત વિવિધ મિમ્સ શેર કરીને તેને ટ્રોલ કરી રહ્યા છે. 



Comments

કોમેન્ટ પોસ્ટ કરવા માટે લાગિન કરો