નવી દિલ્હી,તા.૧૩

ફાસ્ટ બોલર મોહમ્મદ શમી પહેલા ઈન્ડિયન પ્રીમિયર લીગ અને પછી જૂનમાં યોજાનાર ટી-૨૦ વર્લ્ડ કપમાંથી બહાર થઈ ગયા પછી ચોક્કસ નિરાશ થશે.

ICC ODI  વર્લ્ડ કપ દરમિયાન શમીને ઈજા થઈ હતી, જેના કારણે તેને સર્જરી કરાવવી પડી હતી. ઈજાના કારણે શમી ઓસ્ટ્રેલિયા, અફઘાનિસ્તાન અને ઈંગ્લેન્ડ સામે તાજેતરમાં પૂરી થયેલી પાંચ મેચની ટેસ્ટ શ્રેણીમાં રમી શક્યો ન હતો. આવી સ્થિતિમાં હવે તેણે પોતાની સર્જરીને લઈને એક મોટું અપડેટ આપ્યું છે.મોહમ્મદ શમીએ સર્જરી પછીની કેટલીક તસવીરો પોતાના સોશિયલ મીડિયા પર પોસ્ટ કરી છે, જેમાં તે બેડ પર બેઠેલો જાેવા મળી રહ્યો છે. સર્જરીના ૧૫ દિવસ બાદ લેવામાં આવેલી આ તસવીર છે, જેમાં તેના ટાંકા કાઢવામાં આવ્યા છે. આ તસવીરમાં શમી ખૂબ જ ઉદાસ દેખાઈ રહ્યો છે.સોશિયલ મીડિયા પર તેની કેટલીક તસવીરો શેર કરતી વખતે શમીએ લખ્યું, બધાને નમસ્કાર! મારી સર્જરી પછી મારી પુનઃપ્રાપ્તિ વિશે હું તમને બધાને અપડેટ કરવા માંગુ છું. સર્જરીને ૧૫ દિવસ થયા છે અને તાજેતરમાં મારા ટાંકા પણ દૂર કરવામાં આવ્યા છે. મેં જે પુનઃપ્રાપ્તિ પ્રાપ્ત કરી છે તેના માટે હું તમારા બધાનો આભારી છું અને મારી હીલિંગ પ્રક્રિયાના આગળના તબક્કાની રાહ જાેઈ રહ્યો છું.’ મોહમ્મદ શમીના IPL ૨૦૨૪માંથી બહાર થયા પછી, તેની ટીમ ગુજરાત ટાઇટન્સને મોટો ફટકો પડ્યો છે.


Comments

કોમેન્ટ પોસ્ટ કરવા માટે લાગિન કરો