ઢાકા-
ત્રીજી ટી-૨૦ માં ન્યૂઝીલેન્ડે બાંગ્લાદેશને ૫૨ રનથી હરાવ્યું. જોકે પાંચ મેચની શ્રેણીમાં બાંગ્લાદેશની ટીમ હજુ ૨-૧થી આગળ છે. પ્રથમ રમતા ન્યૂઝીલેન્ડે ૫ વિકેટ પર ૧૨૮ રન બનાવ્યા હતા. જવાબમાં યજમાન બાંગ્લાદેશની ટીમ માત્ર ૭૬ રનમાં સમેટાઈ ગઈ હતી. ૮ બેટ્સમેન બે આંકડાને સ્પર્શી શક્યા ન હતા. આ પહેલા બાંગ્લાદેશે ૫ મેચની ટી-૨૦ શ્રેણીમાં ઓસ્ટ્રેલિયાને ૪-૧થી હરાવ્યું હતું. આ શ્રેણીને ઓક્ટોબર-નવેમ્બરમાં યોજાનારા ટી-૨૦ વર્લ્ડ કપ પહેલા તૈયારી તરીકે જોવામાં આવી રહી છે.
મેચમાં ન્યૂઝીલેન્ડે ટોસ જીતીને બેટિંગ કરવાનો ર્નિણય કર્યો હતો. ઓપનર ફિન એલન ૧૦ બોલમાં ૧૫ રન બનાવ્યા બાદ આઉટ થયો હતો. તેણે ૧૦ બોલનો સામનો કર્યો હતો. ૩ ચોગ્ગા ફટકાર્યા. સચિન રવિન્દ્ર અને વિલ યંગે પણ ૨૦-૨૦ રન બનાવ્યા હતા. ટીમે એક સમયે ૬૨ રનમાં ૫ વિકેટ ગુમાવી દીધી હતી. આવી સ્થિતિમાં એવું લાગતું હતું કે ટીમ ૧૦૦ રનના આંકડા સુધી પહોંચી શકશે નહીં. પરંતુ હેનરી નિકોલસ (૩૬ *) અને ટોમ બ્લન્ડેલ (૩૦ *) એ છઠ્ઠી વિકેટ માટે અણનમ ૬૬ રનની ભાગીદારી કરીને સ્કોરને ૧૨૮ રનમાં પહોંચાડ્યો. નિકોલ્સે ૨૯ બોલનો સામનો કર્યો અને ૩ ચોગ્ગા ફટકાર્યા. તે જ સમયે બ્લન્ડેલે ૩૦ બોલ રમ્યા અને ૩ ચોગ્ગા ફટકાર્યા. બાંગ્લાદેશ તરફથી સૈફુદ્દીને ૨૮ રનમાં ૨ વિકેટ લીધી હતી.
લક્ષ્યનો પીછો કરવા ઉતરેલી બાંગ્લાદેશની ટીમ શરૂઆતથી જ હારી ગઈ હતી. ટીમે ૪૩ રનમાં ટોચની ૬ વિકેટ ગુમાવી દીધી હતી. આખી ટીમ ૧૯.૪ ઓવરમાં ૭૬ રનમાં સમેટાઈ ગઈ હતી. આ રીતે ન્યૂઝીલેન્ડે મેચ ૫૨ રને જીતી લીધી હતી. મુશફિકુર રહીમ ૨૦ રને અણનમ રહ્યો હતો. લિટન દાસે ૧૫ જ્યારે મોહમ્મદ નૈમે ૧૩ રન બનાવ્યા હતા. ત્રણ બેટ્સમેન શૂન્ય પર આઉટ થયા હતા. ન્યુઝીલેન્ડ માટે ઓફ સ્પિનર એજાઝ પટેલે ૪ ઓવરમાં ૧૬ રન આપીને ૪ વિકેટ લીધી હતી અને તે પ્લેયર ઓફ ધ મેચ બન્યો હતો. કોલ મેક્નોઈને પણ ૩ વિકેટ મળી હતી. શ્રેણીની ચોથી મેચ ૮ સપ્ટેમ્બરે રમાશે.
સંબંધિત સમાચાર
મોસ્ટ પોપ્યુલર
ક્વિક લિંક
- અજબ ગજબ
- એસ્ટ્રોલોજી
- બૉલીવુડ
- બજેટ ૨૦૨૧-૨૨
- બિઝનેસ
- સિનેમા
- ક્રાઈમ વોચ
- ધર્મ જ્યોતિષ
- શિક્ષણ
- ફેશન એન્ડ બ્યુટી
- ફૂડ એન્ડ રેસિપી
- હેલ્થ એન્ડ ફિટનેસ
- હોલીવુડ
- આંતરરાષ્ટ્રીય
- જ્યોતિષ
- લાઈફ સ્ટાઇલ
- રાષ્ટ્રીય
- રાજકીય
- ધર્મ
- સ્પેશીયલ સ્ટોરી
- રમત ગમત
- ટી ૨૦ વર્લ્ડ કપ ૨૦૨૧
- ટેક્નોલોજી
- ટેલિવુડ
- ટોક્યો ઓલિમ્પિક્સ
- ટ્રાવેલ
- વાસ્તુ
- વેબ સિરીઝ
Comments