દિલ્હી-

વાયએસઆર કોંગ્રેસના નેતા અને સાંસદ પરિમલ નથવાણીએ, બુધવારે ઉપરાષ્ટ્રપતિ અને રાજ્યસભાના અધ્યક્ષ એમ.વેંકૈયા નાયડુની ઉપસ્થિતિમાં રાજ્યસભાના સભ્ય તરીકે પદ અને ગુપ્તતાના શપથ લીધા હતા. નથવાણીએ ટ્વિટર પર આ વાત જણાવતા કહ્યુ હતુ કે,' ઉપરાષ્ટ્રપતિ અને રાજ્યસભાના અધ્યક્ષ એમ.વેંકૈયા નાયડુની ઉપસ્થિતિમાં રાજ્યસભાના સભ્ય તરીકે શપથ લેવો એ આનંદની વાત છે. હું આંધ્રપ્રદેશના મુખ્યમંત્રી અને વાયએસઆર કોંગ્રેસના વડા વાય.એસ. જગન મોહન રેડ્ડીનો આભાર માનુ છું કે, તેમણે મને આંધ્રપ્રદેશની જનતાની સેવા કરવાની તક આપી. "

પરિમલ નથવાણી રિલાયન્સ ઇન્ડસ્ટ્રીઝના સિનિયર ગ્રુપ પ્રેસિડેન્ટ છે, અને રાજ્યસભાના સાંસદ તરીકે આ તેમનો ત્રીજો કાર્યકાળ છે. નથવાણી 12 વર્ષથી ઝારખંડથી સ્વતંત્ર સાંસદ તરીકે કામ કરી રહ્યા હતા. પરિમલ નથવાણીને વાયએસઆર કોંગ્રેસના સત્તાવાર ઉમેદવાર તરીકે, રાજ્યસભામાં મોકલવામાં આવ્યા છે.


Comments

કોમેન્ટ પોસ્ટ કરવા માટે લાગિન કરો