મુંબઇ 

રિચા ચઢ્ઢા અને પાયલ ઘોષ આ દિવસોમાં આમને-સામને છે. દિગ્દર્શક અનુરાગ કશ્યપ પર જાતીય શોષણનો આરોપ લગાવી અભિનેત્રી પાયલ ઘોષે તાજેતરમાં અભિનેત્રી રિચા ચઢ્ઢા ના નામનો ઉલ્લેખ કર્યો છે. આ પછી રિચાએ પાયલ ઘોષ વિરુદ્ધ માનહાનિનો કેસ દાખલ કર્યો હતો. અહેવાલ છે કે પાયલ ઘોષે બોમ્બે હાઈકોર્ટમાં રિચા ચઢ્ઢાની બિનશરતી માફી માંગી છે, પરંતુ પાયલ ઘોષે કોર્ટની બહાર આવ્યા બાદ માફી માંગવાનો ઇનકાર કરી દીધો હતો.

હવે રિચા ચઢ્ઢાએ બોમ્બે હાઈકોર્ટના નિર્ણયની નકલ તેના ઓફિશિયલ ઇન્સ્ટાગ્રામ એકાઉન્ટ પર શેર કરીને કહ્યું છે કે તે આ કેસ જીતી ચૂકી છે. ચુકાદાની નકલ વહેંચતા તેમણે પોસ્ટમાં લખ્યું, 'અમે જીત્યા, સત્યમેવ જયતે! હું બોમ્બે હાઈકોર્ટની આભારી છું. આ નિર્ણય હવે જાહેર રેકોર્ડમાં છે. હાઈકોર્ટની વેબસાઇટ પર ઉપલબ્ધ છે. તમારા સહકાર બદલ આભાર. આગામી સુનાવણી 12 ઓક્ટોબરે છે, જે આ નિર્ણયમાં જણાવાયું છે.  

પાયલ ઘોષે રિચા વિશે ટ્વીટ કર્યું હતું રિચા ચઢ્ઢાની આ પોસ્ટ પછી પાયલ ઘોષે ટ્વિટર પર પ્રતિક્રિયા આપી હતી. તેમણે પોતાના ટ્વિટમાં લખ્યું કે, 'જ્યારે નિર્ણય પર વિચારણા ચાલી રહી છે અને હજી સુધી આવ્યો નથી, ત્યારે મિસ ચઢ્ઢા કેસ જીતવાનો દાવો કેવી રીતે કરી શકે છે. હું 12 ઓક્ટોબરના રોજ કેસનો નિકાલ લાવવા હાઈકોર્ટના સૂચનને સ્વીકારવા સંમત છું. "કોર્ટનો તિરસ્કાર" માટે વિજયની રકમનો ખોટો દાવો કરવામાં આવી રહ્યો છે. સોશિયલ મીડિયા પર રિચા ચઢ્ઢાની પોસ્ટ અને પાયલ ઘોષનું ટ્વીટ વાયરલ થઈ રહ્યું છે.



Comments

કોમેન્ટ પોસ્ટ કરવા માટે લાગિન કરો