દુબઇ 

ઓસ્ટ્રેલિયન બેટ્સમેન ડેવિડ વોર્નરે ઈન્ડિયન પ્રીમિયર લીગ (આઈપીએલ)માં એક નવો ઈતિહાસ રચ્યો છે. વોર્નર આઈપીએલની સળંગ છ સિઝનમાં 500 કે તેથી વધુ રન નોંધાવનારો પ્રથમ બેટ્સમેન બની ગયો છે. વોર્નરે મંગળવારે આઈપીએલ-13ની અંતિમ લીગ મેચમાં મુંબઈ ઈન્ડિયન્સ વિરુદ્ધ 85 રનની અણનમ ઈનિંગ્સ રમી હતી. તેણે આ સિઝનમાં અત્યાર સુધી 14 મેચમાં 529 રન નોંધાવ્યા છે.

વોર્નર ટુર્નામેન્ટમાં સૌથી વધુ રન નોંધનાવાર બેટ્સમેનોની યાદીમાં બીજા સ્થાને છે. વોર્નરે 2019 સિઝનમાં 12 મેચમાં 692 રન નોંધાવ્યા હતા. જોકે, પ્રતિબંધના કારણે તે 2018મા આઈપીએલમાં રમી શક્યો ન હતો. 2017મા તેણે 621 જ્યારે 2016મા 848 રન નોંધાવ્યા હતા. તે સિઝનમાં તેની ટીમ ચેમ્પિયન બની હતી. વોર્નરે 2015મા 562 અને 2014મા 528 રન નોંધાવ્યા હતા. 

ઓસ્ટ્રેલિયન બેટ્સમેને આઈપીએલમાં 140 મેચ રમી છે જેમાં અત્યાર સુધી તેણે 5235 રન નોંધાવ્યા છે. જેમાં ચાર સદી સામેલ છે. ડેવિડ વોર્નરની ટીમ વર્તમાન સિઝનમાં પ્લેઓફમાં પહોંચી શકી છે. જ્યાં શુક્રવારે તેનો સામનો રોયલ ચેલેન્જર્સ બેંગલોર સામે હશે. 



Comments

કોમેન્ટ પોસ્ટ કરવા માટે લાગિન કરો