ગાંધીનગર
ગુજરાત, મહારાષ્ટ્ર અને કર્ણાટક સહિત 7 રાજ્યો પર અરબી સમુદ્રમાંથી ચક્રવાત 'તૌકતે' નો ખતરો યથાવત છે. આ વાવાઝોડું આજે બપોરના 12 થી 3 દરમિયાન ગુજરાતના પોરબંદર કાંઠે પટકાઈ શકે છે. આ પછી વાવાઝોડા પોરબંદરથી મહુવા (ભાવનગર) વચ્ચે બપોરે 3 થી 6 દરમિયાન પસાર થશે. આ સમય દરમિયાન, તોફાનની ગતિ પ્રતિ કલાક 175 કિલોમીટર સુધી હોઇ શકે છે.
23 વર્ષ બાદ ગુજરાતમાં આવી ભયાનક વાવાઝોડું આવી રહ્યું છે. આ પહેલા 9 જૂન, 1998 ના રોજ કચ્છ જિલ્લાના કંડલામાં આટલું ભયાનક તોફાન આવ્યું હતું. આમાં 1173 લોકો મૃત્યુ પામ્યા હતા અને 1774 લોકો ગુમ થયા હતા. ગુજરાતના દરિયાકાંઠાના વિસ્તારોમાંથી આશરે દો 1.5 લાખ લોકોને સ્થળાંતર કરવામાં આવી રહ્યું છે. પશ્ચિમ કાંઠેથી હજારો મકાનો ખાલી કરાવવામાં આવ્યા છે. ભારતીય હવામાન વિભાગ (આઇએમડી) ના ડાયરેક્ટર જનરલ (ડીજી) જય મહાપાત્રાએ જણાવ્યું છે કે રાજ્યના 17 જિલ્લાઓને એલર્ટ પર રાખવામાં આવ્યા છે. વાવાઝોડાને કારણે મહારાષ્ટ્રના મુંબઇ સહિતના કેટલાક દરિયાકાંઠાના જિલ્લાઓમાં રસીકરણ બંધ કરવું પડ્યું છે. અહીં મુંબઇ સહીત ઘણા શહેરોમાં ચેતવણીઓ છે.
નેશનલ ડિઝાસ્ટર રિસ્પોન્સ ફોર્સ (એનડીઆરએફ) ના ડાયરેક્ટર જનરલ એસ.એન.પ્રધાને જણાવ્યું છે કે જિલ્લામાં એનડીઆરએફની 100 થી વધુ ટીમો તૈનાત કરવામાં આવી છે. આ વાવાઝોડાની સૌથી વધુ અસર ગુજરાતમાં થઈ શકે છે, તેથી એકલા ગુજરાતમાં 50 ટીમો તૈનાત છે. 

Comments

કોમેન્ટ પોસ્ટ કરવા માટે લાગિન કરો