અમદાવાદ-

શહેરમાં મહિલાઓની સુરક્ષાને લઇને ફરી વખત સવાલો ઉભા થઇ રહ્યા છે. બે દિવસ અગાઉ દાણીલીમડામાં બે સંતાનોની માતાને નશાની દવાઓ ખવડાવી ત્રણ હવસખોરોએ સામુહિક દુષ્કર્મ ગુજારી મહિલાની હત્યા કરી હતી. તે ગુનાની શાહી સૂકાય એ પહેલા શહેરના વાડજ વિસ્તારમાં 12 વર્ષની સગીરા પાડોશી યુવકના હવસનો ભોગ બની છે. સગીરાને ધમકી આપી અગાશી પર લઈ જઈ દુષ્કર્મ આચર્યું હતું. જે અંગે સગીરાના કપડા પર લોહીના ડાઘા જોઈ માતાએ ફરિયાદ નોંધાવી હતી. વાડજ પોલીસે પોક્સો અને દુષ્કર્મની કલમ હેઠળ ગુનો નોંધી આરોપીની ધરપકડ કરી છે, બનાવની વાત કરીએ તો 22 એપ્રિલે રાત્રે સગીરા પોતાના બ્લોકમાં રહેતા પરિચિત સંબંધીના દીકરાના જન્મદિવસની ઉજવણી માટે ગઈ હતી. તે સમયે હવસખોર પાડોશી યુવકે સગીરાનું મો દબાવી ધાબા પર લઈ ગયો અને રાત્રે દસેક વાગ્યાના અંધારામાં સગીરા સાથે દુષ્કર્મ ગુજાર્યું હતું. જે અંગે સગીરાએ ઘરે આવી માતાને જાણ કરતા વાડજ પોલીસ મથકે મામલો પહોંચ્યો હતો. આ ઘટના મામલે પોલીસે ગંભીર કલમ હેઠળ ગુનો નોંધી આરોપી યુવકની ધરપકડ કરી છે.


Comments

કોમેન્ટ પોસ્ટ કરવા માટે લાગિન કરો