બનાસકાંઠા-

રાજ્યમાં હાલમાં કોરોના વેક્સિનેશન અંગે ડ્રાય રન ચાલી રહ્યું છે. મોટા ભાગના ડ્રાય રન સફળ રહ્યા છે. ત્યારે હવે બનાસકાંઠામાં પણ પાંચ જગ્યા પર વેક્સિનેશન અંગે ડ્રાય રન યોજાયો હતો. 2 સ્વદેશી કોરોના વેક્સિનને ઈમરજન્સી ઉપયોગ માટે મંજૂરી મળી ગઈ છે. એટલે હવે સમગ્ર દેશવાસીઓ વેક્સિનને લઈને ખુશ જોવા મળી રહ્યા છે. બનાસકાંઠાના સાગ્રોસના, વેડંચા, ભૂતેડી, વરનોડા અને પાંચડા એમ કુલ પાંચ પીએચસી સેન્ટરમાં 25 હેલ્થ સ્ટાફ પર વેક્સિનની સમગ્ર પ્રોસેસનું ડ્રાય રન યોજાયું હતું. વેક્સિનેશનની આ સમગ્ર પ્રક્રિયા ચૂંટણીના બૂથ જેવી પ્રક્રિયા છે, જેમાં વેક્સિન લેનારા માટે ત્રણ અલગ અલગ રૂમની વ્યવસ્થા કરવામાં આવી છે. પ્રથમ બૂથમાં વેક્સિન લેનારાનું નામ રજિસ્ટર્ડમાં નોંધાશે. બીજા રૂમમાં વેક્સિન આપશે. જ્યારે ત્રીજા રૂમમાં વેક્સિન લેનારાને 30 મિનિટ સુધી ઓબ્ઝર્વેશનમાં રખાશે. બનાસકાંઠામાં યોજાયેલી આ ડ્રાય રનમાં આ સમગ્ર પ્રોસેસ હેલ્થ સ્ટાફ સાથે કરી તેમને સફળતાપૂર્વક બધી જ બાબતોની સંતોષકારક જાણકારી અપાઈ હોવાનું જિલ્લા હેલ્થ વિભાગના સૂત્રોએ જણાવ્યું હતું.


Comments

કોમેન્ટ પોસ્ટ કરવા માટે લાગિન કરો