દિલ્હી-

ડો. રેડ્ડીઝ લેબે ભારતમાં કોરોનાની 10 મિલિયન રસી વેચવા માટે રશિયન ઉત્પાદક રશિયન ડાયરેક્ટ ઇન્વેસ્ટમેન્ટ ફંડ (આરડીઆઈએફ) સાથે કરાર કર્યો છે. આ રસી નવેમ્બર સુધીમાં ભારતમાં આવી શકે છે. આ સમાચાર આવ્યા પછી બીએસઈ પર ડો. રેડ્ડીનો સ્ટોક રૂ 181 ની મજબૂતી સાથે 4624.45 પર પહોંચ્યો.

સમાચાર અનુસાર, આરડીઆઈએફ ભારતમાં  રશિયાની સ્પુટનિક ક્લિનિકલ ટ્રાયલ અને વિતરણ માટે ડો.વી. રેડ્ડીની પ્રયોગશાળાઓ સાથે કરાર કર્યા છે. ભારતમાં કરાર મુજબ રશિયન કંપની રેડ્ડીઝને 100 મિલિયન રસી પહોંચાડશે. આરડીઆઇએફના સીઇઓ કિરીલ દિમિત્રીવએ એક નિવેદનમાં જણાવ્યું છે કે જો ટ્રાયલ સફળ થાય તો નવેમ્બર સુધીમાં આ રસી ભારતમાં મળી જશે. તેમણે કહ્યું કે ડો. રેડ્ડીઝ લગભગ 25 વર્ષોથી રશિયામાં વ્યવસાયિક હાજરી ધરાવે છે અને એક મોટી ભારતીય કંપની છે.

તેમણે દાવો કર્યો હતો કે હ્યુમન એડેનોવાયરસ ડ્યુઅલ વેક્ટર પ્લેટફોર્મ પર આધારિત રશિયન રસી ભારતમાં કોવિડ -19 સામે સલામત લડતમાં મદદ કરશે. તેમણે કહ્યું કે છેલ્લા એક દાયકામાં રશિયામાં માનવ એડેનોવાયરસ ડ્યુઅલ વેક્ટર પ્લેટફોર્મની લગભગ 250 ક્લિનિકલ ટ્રાયલ્સ કરવામાં આવી છે અને કોઈ સંભવિત નેગેટીવ પરિણામો જોવા મળ્યા નથી.

ડો. રેડ્ડીઝના મેનેજિંગ ડિરેક્ટર જી.વી.પ્રસાદે કહ્યું, ‘આ રસીનું પ્રથમ તબક્કો અને ફેઝ 2 પરીક્ષણ સફળ રહ્યું છે અને હવે અમે ભારતમાં તેના ત્રીજા તબક્કાની તપાસ કરીશું, જેથી જરૂરી નિયમનકારી શરતો પૂરી થાય.






Comments

કોમેન્ટ પોસ્ટ કરવા માટે લાગિન કરો