દિલ્હી-

ગઢચિરોલી પોલીસની સામે બુધવારે પહેલાં શરણાગતિ સ્વીકારનાર શશીકલા આસારામ આંચલા ઉર્ફે ગુણી પર 6 લાખનુ ઇનામ જાહેર કરાયુ હતુ. શશીકલા પર 20 થી વધુ ગંભીર કેસ નોંધાયેલા છે.

ગઢચિરોલીના એસપી અંકિત ગોયલના જણાવ્યા મુજબ, "ગઢચિરોલી જિલ્લાના ધનોરા તહસીલ હેઠળના પોમકે ગ્યારહપત્તિ ગામની શશીકલા વર્ષ 2006 માં નક્સલી આંદોલનમાં જોડાઇ હતી. નક્સલવાદીઓના ટીપાગઢ દલમના સભ્ય તરીકે ભરતી થયેલ સાસિકલા હાલમાં ટીપાગઢ દલામના એસીએમ તરીકે કાર્યરત હતી. શશીકલા પર તેની સામે 20 ગંભીર કેસ નોંધાયા હતા. ગુનાઓની ગંભીરતાને ધ્યાનમાં લેતા, મહારાષ્ટ્ર સરકારે શશીકલા ઉપર 6 લાખ રૂપિયાનું ઇનામ જાહેર કર્યું હતું." તેમણે જણાવ્યુ હતુ કે, " મહારાષ્ટ્ર સરકાર દ્વારા સંચાલિત, પુનર્વસન યોજના હેઠળ વર્ષ 2019 થી 2021 સુધી 39 નક્સલવાદીઓએ આત્મસમર્પણ કર્યું છે." ગોયલે કહ્યું કે," જેઓ નક્સલીઓનો રસ્તો છોડવા માંગે છે તેમનુ સ્વાગત છે. સામાન્ય જીવનમાં પાછા આવવા માટે તેમને જરૂરી વીજળી, પાણી અને નોકરીઓ આપવામાં આવશે." આ સાથે ગોયલે ચેતવણી આપી હતી કે," જે કોઈ પણ વિકાસના માર્ગમાં અવરોધરૂપ બને છે, તેને તેના પરિણામ ભોગવવા પડશે."


Comments

કોમેન્ટ પોસ્ટ કરવા માટે લાગિન કરો