વડોદરા-

ફ્રાન્સમાં કોરોના વાયરસની મહામારી ચાલી રહી છે અને હાલમાં જ ફ્રાન્સમાં કોરોનાની બીઈજી લહેર આવતા કોરોનાના કેસોમાં પણ મોટો વધારો થયો છે, ત્યારે બીજી તરફ ફ્રાંસ હવે મોહમ્મદ પયગંબરના કાર્ટૂનને લઈને થઇ રહેલી હિંસાથી ભડકે બડી રહ્યું છે. ફ્રાન્સમાં આ વિવાદને લઈ દુનિયાના અન્ય મુસ્લિમ બહુમતી ધરાવતા દેશોએ પણ વિરોધ દર્શાવ્યો છે, ત્યારબાદ આ હિંસાનો વિરોધ હવે વડોદરા સુધી પણ પહોંચી ગયો છે. ફ્રાન્સમાં થયેલા વિવાદને લઈ વડોદરામાં ફ્રાન્સનાં રાષ્ટ્રપતિ વિરૂદ્ધ પોસ્ટર્સ લાગ્યાં છે અને આ પોસ્ટરોમાં રાષ્ટ્રપતિ ઇમેનુલ મેક્રોન સામે વિરોધ દર્શાવવામાં આવી રહ્યો છે. વડોદરાના લઘુમતી વિસ્તારમાં ફ્રાન્સ વિરૂદ્ધ પોસ્ટર્સ લાગ્યાં છે, જેમાં શહેરના રાવપુરાનાં નવાબવાડામાં ફ્રાન્સનાં બહિષ્કારનાં બેનર્સ લાગ્યા છે. આ પોસ્ટરોમાં ફ્રાન્સના રાષ્ટ્રપતિએ ધાર્મિક લાગણી દુભાવી હોવાનો આરોપ લગાવ્યો છે અને જાહેરમાર્ગ પર ફ્રાન્સનાં બોયકોટનું પોસ્ટર ચોંટાડાયું છે. સાથે સાથે લોકો દ્વારા ફ્રાન્સની ચીજવસ્તુઓનો બહિષ્કાર કરવાની અપીલ કરાઈ છે.


Comments

કોમેન્ટ પોસ્ટ કરવા માટે લાગિન કરો