બેંગ્લોર-

ઇસરોના ચેરમેન દ્વારા રજૂ કરાયેલી માહિતી અનુસાર ચંદ્રાસ એટમોસ્ફેરિક કોમ્પોઝીશનલ એક્સપ્લોરરે ચંદ્રના સૌથી ઉપરના અને મધ્યમાં આવેલા અક્ષાંશની ાસપાસના વિસ્તારમાં આર્ગન વાયુને શોધી કાઢ્યો હતો અને તેનો ઉંડાણપૂર્વકનો અભ્યાસ કર્યો હતો. તેના આ અભ્યાસમાં જાણવા મળ્યું હતું કે ચંદ્રના સૌથી ઉંચા અને મધ્યમાં આવેલાં અક્ષાંશના વિસ્તારોમાં રેડિયો એક્ટિવ પ્રવૃત્તિઓ થઇ રહી છે. તે ઉપરાંત લાર્જ એરિયા સોફ્ટ એક્સ-રે સ્પેક્ટોમિટરની મદદથી ચંદ્રની સપાટી ઉપર ક્રોમિયમ અને મેંગેનિઝ ધાતુ હોવાનું જાણી શકાયું હતું.

ચંદ્રની ભ્રમણકક્ષામાં તરતા મૂકાયેલા ચંદ્રયાન-૨ ઉપર ઇન્સ્ટોલ કરાયેલા વિવિધ આધુનિક ઉપકરણો દ્વારા કેટલીક અત્યંત મહત્વની કહી શકાય એવી શોધ કરવામાં આવી છે એમ ઇન્ડિયન સ્પેસ રિસર્ચ ઓર્ગેનાઇઝેશન (ઇસરો)એ કહ્યું હતું. આ યાન ઉપર ફીટ કરાયેલા કેટલાંક આધુનિક ઉપકરણોની મદદથી ચંદ્રની જમીનના અંદરના ભાગે બરફના સ્વરૂપમાં પાણી હોવાના સંકેત શોધી કઢાયા હતા એમ ઇસરોએ કહ્યું હતું. ચંદ્રયાન-૨ ઉપર ઇસરો દ્વારા જે અત્યંત આધુનિક ટેકનોલોજી ધરાવતા ઉપકરણો ફીટ કરાયા હતા તેમાં લાર્જ એરિયા સોફ્ટ એક્સ-રે સ્પેક્ટોમિટર, સોલર એક્સ-રે મોનિટર, ચંદ્રાસ એટમોસ્ફેરિક કોમ્પોઝીશનલ એક્સપ્લોરર, ડયુઅલ ફ્રિકવન્સી સિન્થેટિક રડાર, ઇમેજિંગ ઇન્ફ્રા-રેડ સ્પેક્ટોમિટર, ટેરિયન મેપિંગ કેમેરા, ઓર્બિટ હાઇ રેઝોલ્યુશન કેમેરા અને ડયુઅલ ફ્રિકવન્સી રેડિયોનો સમાવેશ થતો હતો. આ સપ્તાહના આરંભે ઇસરો દ્વારા લ્યુનર સાયન્સ વર્કશોપ એન્જડ રિલિઝ ઓફ ચંદ્રાયાન-૨ ડેટા નામનો બે દિવસની ચંદ્રના વિજ્ઞાાન વિષય ઉપર બે દિવસના ચર્ચા-વિચારણા સંમેલનને ખુલ્લુ મૂક્યું હતું જેની પાછળ દેશના બૌદ્ધિકો, વૈજ્ઞાાનિકો, સંશોધકો, શિક્ષણશાસ્ત્રીઓ, વિવિધ સંસ્થાઓ અને વિદ્યાર્થીઓને આ અભિયાનમાં જાેડવાનો આશય રહેલો હતો. ઇસરોના ચેરમેન અને ડિપાર્ટમેન્ટ ઓફ સ્પેસમાં સચિવ તરીકે કામ કરતા કે. શિવાને આ સંમેલનનુ ઉદઘાટન કર્યું હતું. શિવાને આ સંમેલનમાં ચંદ્રાયાનના વિવિધ ઉપકરણો દ્વારા કરાયેલી કેટલીક મહત્વની શોધ વિશે સંપૂર્ણ માહિતી રજૂ કરી હતી તદઅનુસાર ડયુઅલ ફ્રિકવન્સી સિન્થેટિક અપેર્ચર રડારની મદદથી ચંદ્રની જમીનની અંદરની માટીનો અભ્યાસ કરવામાં આવ્યો હતો જેમાં બરફના સ્વરૂપમાં પાણી હોવાના સંકેત મળ્યા હતા..