મહેસાણા : મહેસાણીમાં ગુજરાતના જાણીતા સિંગર કાજલ મહેરિયા પર હુમલો થયો છે. ‘મળ્યા માના આર્શીવાદ’ ફેમ ગાયિકા કાજલ મહેરિયા પર આંતરિક ઝઘડામાં હુમલો થયો હતો. મોઢેરામાં બનેલા આ બનાવમાં કાજલ મહેરિયાને લાફો ઝીંકાયો છે. કાજલ મહેરિયા ઈવેન્ટ ઓર્ગેનાઇઝર બાબાખાનના ઘરે સામાજિક કામ અર્થે ગયા હતા. દરમિયાનમાં ઇવેન્ટ ઓર્ગેનાઇઝરના ઘરે ગયેલી સિંગર પર બાબા ખાનના વિરોધીઓએ હુમલો કર્યો છે. આ ઘટનાથી પંથકમાં ભારે ચકચાર મચી ગઈ છે.કાજલ મહેરિયા ગુજરાતની મહિલા સિંગરમાં જાણીતું નામ છે. તેમના અનેક ગીતોએ પોપ્યુલારિટીના રેકોર્ડ તોડ્યા છે. ગતરોજ કાજલ મહેરિયા ઈવેન્ટ ઓર્ગેનાઈઝર બાબાખાનના ઘરે ગયા હતા. અચાનક બાબાખાનના વિરોધીઓ ત્યાં આવી ચઢ્યા હતા. વિરોધી તત્વોની બાબાખાનની સાથે સાથે કાજલ સાથે પણ બોલાચાલી થઈ હતી. જેમાં તેઓએ અપશબ્દો બોલીને કાજલ મહેરિયાને લાફો ઝીંક્યો હતો. મૂળ વીસનગરની કાજલ મહેરિયાનો જન્મ એક ખેડૂત પરિવારમાં થયો છે. કાજલ મહેરિયાના અનેક ગીતો પ્રખ્યાત છે. જેમાં નવા ગીતો, લોકગીતો, ભજન, લગ્ન ગીતો, રાસ ગરબા વગેરેનો સમાવેશ થાય છે. કાજલ સોશિયલ મીડિયા પર સતત એક્ટિવ રહે છે. સોશિયલ મીડિયા પર તેના અનેક ફોલોઅર્સ છે. ટિકટોક પર પણ કાજલ મહેરીયાના મોટી સંખ્યામાં ફોલોઅર્સ હતા. તાજેતરમાં મહેસાણાની લોક ગાયિકા કાજલ મહેરિયાએ ભારતના શહીદ સૈનિકોના સમર્થનમાં આવવા લોકોને અપીલ કરી હતી. ચીનને પાઠ ભણાવવા ચીનની વસ્તુઓનું બાયકોટ કરવા અપીલ કરી હતી. કાજલ મહેરિયાએ ટીકટોક અને અન્ય વિદેશી ચીજોનો બહિષ્કાર કર્યો હતો. ટીકટોકમાં ૧ મિલિયન સમર્થકો હોવા છતાં કાજલ મહેરિયાએ તેના મોબાઇલમાંથી ટીકટોક એકાઉન્ટ દૂર કર્યું હતું.


Comments

કોમેન્ટ પોસ્ટ કરવા માટે લાગિન કરો