સહારનપુર, તા. ૨૦ 

ઉત્તર પ્રદેશના સહારનપુરના વન વિસ્તારમાં સર્વે દરમિયાન હાથીના અવશેષો મળી આવ્યા છે. અશ્મિભૂત અધ્યયન પછી, હિમાલય ભૂસ્તર દહેરાદૂનની વાડિયા ઇન્સ્ટિટ્યૂટના વૈજ્ઞાનિકોએ તેને ૫ મિલિયન વર્ષથી પણ વધુ જૂના ગણાવ્યા છે. આ હાથીના પૂર્વજને સ્ટેગોડન કહેવામાં આવે છે. મુખ્ય વન સંરક્ષકે જણાવ્યું છે કે સ્ટેગોડનના દાંત ૧૨ થી ૧૮ ફુટ લાંબા હતા, જે આજે લુપ્ત છે. ખરેખર, સહારનપુરના શિવાલિક વન ક્ષેત્રમાં વન્યપ્રાણીઓની ગણતરીનું કામ ૬ મહિનાથી ચાલી રહ્યું છે, જેના માટે વન વિસ્તારમાં કેમેરા લગાવાયા છે. આ ગણતરી અને સર્વે દરમિયાન જિલ્લાના વન વિભાગની ટીમે એક હાથીના ૫ કરોડ મિલિયન વર્ષ જુના અવશેષો શોધી કાઢયા છે. જિલ્લા મુખ્ય વન સંરક્ષક વી.કે. જૈને જણાવ્યું હતું કે આ હાથીદાંત લગભગ ૫૦ લાખ વર્ષ જૂનો છે, જેની પુષ્ટિ વાડિયા હિમાલયન ભૂસ્તરશાસ્ત્ર દહેરાદૂનની સંસ્થાએ કરી છે. તેમણે કહ્યું કે સંસ્થા દ્વારા તેનો અભ્યાસ કરવામાં આવ્યો છે કે આ અવશેષ હાથીના પૂર્વજનો છે, જેને સ્ટેગોડન તરીકે ઓળખાય છે. મુખ્ય વન સંરક્ષકે અહેવાલ આપ્યો છે કે સ્ટેગોડનના દાંત ૧૨ થી ૧૮ ફુટ લાંબા હતા, જે આજે લુપ્ત છે. તે ભાગ્યે જ મળતા હાથીદાંત છે અને તે મૂલ્ય આંકી શકાય એમ નથી. સહારનપુર વન વિસ્તારમાં ૨૦૦ કેમેરામાં ૫૨ દીપડાને પકડવામાં આવ્યા હતા. આ પ્રજાતિઓ શિવાલિક વન વિસ્તારની મોહન અને બડકલા રેન્જમાં મળી આવી છે.


Comments

કોમેન્ટ પોસ્ટ કરવા માટે લાગિન કરો