દિલ્હી-

કેન્દ્રીય શહેરી વિકાસ મંત્રાલયે સ્વચ્છતા સિટી સર્વે રિપોર્ટ બહાર પાડ્યો છે. સતત ચોથા વર્ષે ઈન્દોર દેશનું સૌથી સ્વચ્છ શહેર બન્યું છે. બીજા નંબરે ગુજરાત સુરત અને ત્રીજા સ્થાને નવી મુંબઈ છે. કેન્દ્રીય શહેરી વિકાસ પ્રધાન હરદીપસિંહ પુરીએ ઈન્દોરની જનતાનો આભાર માન્યો હતો.

કેન્દ્રીય શહેરી વિકાસ પ્રધાન હરદીપસિંહ પુરીએ જણાવ્યું હતું કે ઈન્દોર સતત ચોથા વર્ષે ભારતનું સૌથી સ્વચ્છ શહેર છે. ઇન્દોર અને તેના લોકોએ સ્વચ્છતા પ્રત્યે અનુકરણીય સમર્પણ બતાવ્યું છે. સીએમ શિવરાજસિંહ ચૌહાણ, શહેરના લોકો, રાજકીય નેતૃત્વ અને મહાનગર પાલિકાને આ અદભૂત પ્રદર્શન બદલ અભિનંદન.

તે જ સમયે, કેન્દ્રીય મંત્રી હરદીપ પુરીએ કહ્યું કે, ગુજરાતનું ઓદ્યોગિક શહેર સુરત એ ભારતનું બીજું સ્વચ્છ શહેર છે અને નવી મુંબઈ એ ભારતનું ત્રીજું સ્વચ્છ શહેર છે. જોકે હરદીપ પુરીએ સુરત માટે સીએમ વિજય રૂપાણીની પ્રશંસા કરી હતી, પરંતુ નવી મુંબઈની સફળતા અંગે સીએમ ઉદ્ધવ ઠાકરેનો ઉલ્લેખ પણ કર્યો ન હતો.શહેરી વિકાસ મંત્રાલયના જણાવ્યા મુજબ, પ્રાચીન પવિત્ર વારાણસી શહેર ગંગા નદીના કાંઠે સૌથી સ્વચ્છ શહેર છે. કેન્દ્રીય પ્રધાન હરદીપ પુરીએ કહ્યું કે પીએમ નરેન્દ્ર મોદી લોકસભામાં શહેરનું પ્રતિનિધિત્વ કરે છે. તેમની સ્વપ્નદ્રષ્ટા નેતૃત્વએ આ સિદ્ધિ માટે શહેરના લોકોને પ્રેરણા આપી છે.

શહેરી વિકાસ મંત્રાલયના અહેવાલ મુજબ, જલંધર કેન્ટ એ દેશનો સૌથી સ્વચ્છ કેન્ટ વિસ્તાર છે. આ માટે કેન્દ્રીય પ્રધાન હરદીપ પુરીએ ભારતીય સેનાને અભિનંદન પાઠવ્યા હતા


Comments

કોમેન્ટ પોસ્ટ કરવા માટે લાગિન કરો