મુંબઈ-

ભારતીય ક્રિકેટ કંટ્રોલ બોર્ડ (BCCI) એ ટી 20 વર્લ્ડ કપ માટે ટીમ ઈન્ડિયાની જાહેરાત કરી છે. આ વખતે ટી 20 વર્લ્ડ કપ માટે BCCI એ ટીમ ઈન્ડિયાના પૂર્વ કેપ્ટન મહેન્દ્ર સિંહ ધોનીને મેન્ટર તરીકે જોડ્યા છે. ટી 20 વર્લ્ડ કપમાં મહેન્દ્ર સિંહ ધોની ટીમ ઇન્ડિયાના માર્ગદર્શકની ભૂમિકામાં જોવા મળશે.

તમને જણાવી દઈએ કે ભારતે 2007 માં મહેન્દ્ર સિંહ ધોનીની કેપ્ટનશીપમાં ટી 20 વર્લ્ડ કપ જીત્યો હતો. ધોનીના નેતૃત્વમાં ટીમ ઇન્ડિયાની અદભૂત સિલસિલો અહીંથી શરૂ થયો. આ પછી 2011 આઈસીસી વનડે વર્લ્ડ કપ ટ્રોફી 28 વર્ષ પછી ભારતને મળી.

આ વિજયના બે વર્ષ બાદ ભારતે ધોનીની કેપ્ટન્સીમાં 2013 માં ચેમ્પિયન્સ ટ્રોફી પણ જીતી હતી. આ સાથે ધોની ત્રણેય મુખ્ય આઇસીસી ટ્રોફી જીતનાર એકમાત્ર કેપ્ટન બન્યો. ધોનીના નેતૃત્વમાં ભારતે 332 આંતરરાષ્ટ્રીય મેચ રમી છે. જેમાં 200 વનડે, 60 ટેસ્ટ અને 72 ટી 20 નો સમાવેશ થાય છે.

6 મોટી વનડે ટુર્નામેન્ટની ફાઇનલમાં પહોંચાડ્યા

ધોનીની કેપ્ટનશીપમાં ભારત 6 મોટી વનડે ટૂર્નામેન્ટની ફાઇનલમાં પહોંચી ગયું છે. તેમાંથી ભારતે ચારમાં જીત મેળવી છે. ધોનીએ કેપ્ટન તરીકે કુલ 110 વનડે મેચ જીતી છે. તે આ મામલે બીજા ક્રમે છે. આ યાદીમાં ઓસ્ટ્રેલિયન કેપ્ટન રિકી પોન્ટિંગ ટોચ પર છે, જેમણે તેમની કેપ્ટનશીપમાં 165 વનડે મેચ જીતી હતી.


Comments

કોમેન્ટ પોસ્ટ કરવા માટે લાગિન કરો