ગાંધીનગર-

રાજ્યના અનેક જિલ્લાઓમાં હજુ બે દિવસ વરસાદની આગાહી હવામાન વિભાગે આગાહી કરી છે. પૂર્વ મધ્ય અને તેને સંલગ્ન ઉત્તર-પૂર્વ અરેબિયન સમુદ્રમાં સર્જાયેલા ડિપ્રેશનના કારણે રાજ્યના કેટલાક જિલ્લાઓમાં મધ્યમથી ભારે વરસાદ પડી શકે છે. પાછોતરા વરસાદની આગાહીના પગલે ખેડૂતોમાં ચિંતા પ્રસરી છે. જોકે રવિવારની વહેલી સવારથૂ જ રાજયના કેટલાક જીલ્લાઓમાં વાદળછાયું વાતાવરણ જોવા મળ્યું હતું. 

ભાવનગર-અમરેલી-ગીર સોમનાથ- જૂનાગઢ-પોરબંદર, રાજકોટ, બોટાદ, દીવ, કચ્છ, આણંદ, દાહોદ, અમદાવાદ, ખેડા, વડોદરા,નવસારી, સુરત, ભરૂચમાં મધ્યમથી તો દ્વારકામાં ભારે વરસાદ પડી શકે છે. જ્યારે આવતીકાલે સોમવારે ભાવનગર-અમરેલી, ગીર સોમનાથ, જૂનાગઢ, દ્વારકા-પોરબંદર- રાજકોટ- બોટાદ-કચ્છ વલસાડ, દમણ, દાદરાનગર હવેલીમાં 40 કિલોમીટર પ્રતિ કલાકની ઝડપે પવન ફૂંકાવવા ઉપરાંત વરસાદ પડે તેવી સંભાવના છે. આ પહેલા શનિવારે રાજ્યના કેટલાક વિસ્તારોમાં પાછોતરા વરસાદ વરસ્યો હતો. જેના કારણે ખેડૂતોના મગફળી, કપાસ, ડાંગર, તલ, મકાઈ, કઠોળ સહિતના પાકને મોટું નુકસાન પહોંચ્યું છે.


Comments

કોમેન્ટ પોસ્ટ કરવા માટે લાગિન કરો