મેલબોર્ન,

વિશ્વના નંબર ચાર ડેનિયલ મેડવેદેવના શાનદાર પ્રદર્શનને કારણે રશિયા એટીપી કપ જીતવામાં સફળ રહ્યું હતું. તેણે ફાઇનલમાં ઈટાલીને હરાવ્યું હતું. મેદવેદેવે માટિઓ બેરેટિનીને ૬-૪, ૬-૨થી હરાવી રશિયાને ૨-૦ની અગમ્ય લીડ અપાવી. અગાઉ આન્દ્રે રુબલેવે ફેબિઓ ફ્ગોનીનીને ૬-૧, ૬-૨થી હરાવ્યો હતો. ગ્રુપ સ્ટેજ અને પ્લેઓફદરમિયાન રશિયા એક પણ સિંગલ્સ મેચ હાર્યું નથી. તે એટીપી કપ જીતનારી બીજી ટીમ છે. નોવાક જોકોવિચની આગેવાની હેઠળની સર્બિયન ટીમે ગયા વર્ષે આ ખિતાબ જીત્યો હતો.


વિશ્વની પ્રથમ ક્રમાંકિત ખેલાડી બાર્ટીએ લગભગ એક વર્ષમાં તેની પ્રથમ સ્પર્ધાત્મક ટૂર્નામેન્ટ રમીને રવિવારે ઓસ્ટ્રેલિયન ઓપન પહેલા યાર્રા વેલી ક્લાસિક ટૂર્નામેન્ટનો ખિતાબ જીત્યો હતો જ્યારે રશિયાએ એટીપી કપ જીત્યો હતો. બાર્ટીએ ફાઇનલમાં ગાર્બાઇન મુગુરુઝાને ૭-૬(૭-૩), ૬-૪ થી હરાવીને તેની ધરતી પર બીજું ડબ્લ્યુટીએ ખિતાબ જીત્યું. તેણે યુએસ ઓપનમાં ભાગ લેવા અથવા ફ્રેન્ચ ઓપનમાં ખિતાબનો બચાવ કરવાને બદલે ઘરે પ્રેક્ટિસમાં સમય પસાર કર્યો. બાર્ટી ઓસ્ટ્રેલિયન ઓપન ડ્રોના બીજા ભાગમાં છે અને તેથી તેને સોમવારે આરામ કરવાની તક મળશે. આ ટૂર્નામેન્ટમાં સેરેના વિલિયમ્સ રેકોર્ડ ૨૪ મો ગ્રાન્ડ સ્લેમ ખિતાબ જીતવાનો પ્રયત્ન કરશે. પુરુષ વિભાગમાં નોવાક જોકોવિચ સતત ત્રીજા ઓસ્ટ્રેલિયન ઓપન ખિતાબના જીતવાના ધ્યેય સાથે કોર્ટમાં ટકરાશે.


Comments

કોમેન્ટ પોસ્ટ કરવા માટે લાગિન કરો