તામિલનાડુ-

તામિલનાડુના કુડ્ડાલોર જિલ્લામાં એક ફટાકડાની ફેક્ટરીમાં વિસ્ફોટની ઘટના સામે આવી છે. આ વિસ્ફોટમાં 9 લોકોના કરુણ મોત નિપજ્યા છે તો અન્ય 5 લોકો ગંભીર રીતે ઘાયલ થયા છે. મળતી માહિતી મુજબ ફટાકડા ફેક્ટરીમાં વિસ્ફોટને કારણે ઘાયલ થયેલ લોકોને તાત્કાલિક સારવાર માટે નજીકની હોસ્પિટલમાં ખેસેડવામાં આવ્યા છે. તો સાથે જ પોલીસ પણ ઘટના સ્થળે પહોંચી ગઈ છે અને તપાસ શરૂ કરી દીધી છે.

આ ઘટના કટ્ટૂમન્નારકોલી વિસ્તારમાં સ્થિત ફૈક્ટરીમાં થઈ છે. આ જગ્યા રાજધાની ચેન્નાઈથી 190 કિમીના અંતરે આવેલી છે. કુડ્ડાલોર જિલ્લાની ફેક્ટરીમાં થયેલા ઘડાકો દૂર સુધી સંભળાયો હતો. જેને પગલે થોડી વાર માટે લોકો સ્તબ્ધ થઈ ગયા હતા. આ ઘટનામાં ઈજાગ્રસ્ત લોકોને હોસ્પિટલમાં ખસેડવામાં આવ્યા છે. ઘટના કેવી રીતે બની તેની તપાસ હાથ ધરવામાં આવી છે. તેમજ આગ પર કાબૂ મેળવવાનો પ્રયાસ કરવામાં આવી રહ્યો છે.


Comments

કોમેન્ટ પોસ્ટ કરવા માટે લાગિન કરો