બડગામ-

જમ્મુ-કાશ્મીરના બડગામ જિલ્લામાં આતંકવાદીઓ અને સુરક્ષા દળો વચ્ચે એન્કાઉન્ટર શરૂ થઈ ગયું છે. આ વિસ્તારમાં સુરક્ષા દળોના છુપાયેલા હોવાનું જાણવા મળ્યા બાદ સર્ચ ઓપરેશન શરૂ કરાયું હતું. કવુસા ખલીસા વિસ્તારની પોલીસ, સેના અને સીઆરપીએફ સર્ચ ઓપરેશન ચલાવી રહ્યા છે. સુરક્ષા દળોએ આ ઠેકાણાને નિશાન બનાવતાની સાથે જ આતંકીઓએ હુમલો કર્યો.

આ પછી, સંયુક્ત ટીમે પણ આતંકવાદીઓને યોગ્ય જવાબ આપ્યો, જે પછી એન્કાઉન્ટર શરૂ થયું. સૂત્રોના જણાવ્યા અનુસાર આ સ્થળે બેથી ત્રણ આતંકીઓ છુપાયેલા હોવાની સંભાવના છે.  

કાશ્મીરના શોપિયન જિલ્લામાં, યુએપીએ (ગેરકાયદેસર પ્રવૃત્તિઓ નિવારણ અધિનિયમ, 1967) હેઠળ કેસ નોંધીને 10 સ્થાનિક યુવાનોની ધરપકડ કરવામાં આવી હતી. આ યુવકોએ હત્યા કરાયેલા આતંકીઓની યાદમાં ક્રિકેટ મેચનું આયોજન કર્યું હતું. જે બાદ ગુરુવારે સ્થાનિક પોલીસે તેની ધરપકડ કરી હતી. મળતી માહિતી મુજબ, ક્રિકેટ મેચનું આયોજન આતંકવાદી સૈયદ રુબાનના ભાઈ દ્વારા કરવામાં આવ્યું હતું, જે વર્ષ 2019 માં માર્યો ગયો હતો. આ કેસમાં આયોજક ઉપરાંત અન્ય નવ લોકોની ધરપકડ કરવામાં આવી હતી.

એક વરિષ્ઠ અધિકારીએ દસ યુવકોની ધરપકડ પર કહ્યું હતું કે આ રીતે આતંકવાદીઓને ગ્લેમરાઇઝ કરવું એ ગુનો છે. આ કેસ યુએપીએ હેઠળ આવે છે. સૂત્રોના જણાવ્યા અનુસાર મેચના આયોજકે લોકોમાં ટીશર્ટ વહેંચી દીધી હતી, જેના પર હત્યા કરાયેલા આતંકવાદીનું નામ છાપવામાં આવ્યું હતું.




Comments

કોમેન્ટ પોસ્ટ કરવા માટે લાગિન કરો