દિલ્હી-

જમ્મુ-કાશ્મીર પોલીસે આતંકવાદ વિરુદ્ધના અભિયાનમાં, બીજી મોટી સફળતા મેળવી છે. સાંબા જિલ્લાના મોટી બ્રાહ્મણા વિસ્તારમાંથી રેઝિસ્ટન્સ ફોર્સ (ટીઆરએફ) ના એક આતંકવાદીની ધરપકડ કરવામાં આવી છે.

મળતી માહિતી મુજબ સાંબા એસએસપી રાજેશ શર્માએ જણાવ્યુ હતુ કે, 'અનંતનાગ પોલીસ અને સાંબા પોલીસ દ્વારા હાથ ધરવામાં આવેલા સંયુક્ત ઓપરેશનમાં મોડી રાત્રે ટીઆરએફના આતંકીની ધરપકડ કરવામાં આવી હતી.' તેમણે માહિતી આપી હતી કે, 'પકડાયેલા આતંકવાદી ઝહુર અહેમદ, રાથરનો રહેવાસી દુરાનો અનંતનાગ, કાશ્મીરની અનંતનાગ પોલીસને વાંછિત હતો.' તેમણે કહ્યુ કે, 'અમને મોટી બ્રાહ્મણામાં તેની હાજરી વિશે પાક્કી માહિતી મળી હતી. ત્યારબાદ આતંકી ઝહૂર અહેમદને ભાડાના મકાનમાંથી ધરપકડ કરવામાં આવી હતી.'

પોલીસ અધિકારીએ જણાવ્યુ હતુ કે, 'ઝહુરને વધુ તપાસ માટે અનંતનાગ સ્થાનાંતરિત કરવામાં આવી રહ્યો છે.' કહેવામાં આવી રહ્યું છે કે, 'આતંકવાદી ઝહૂરે ભાજપના ત્રણ કાર્યકરોની હત્યા કરી હતી. ત્યારબાદ પોલીસ તેની શોધ કરી રહી હતી.'

સુરક્ષા નેટવર્કના ઉચ્ચ સ્ત્રોતોએ ખુલાસો કર્યો છે કે, આતંકી ઝહુર સાંબા ખાતે પાકિસ્તાની હથિયારોની માલ એકત્રિત કરવા માટે ત્યાં હતો. ડ્રોન દ્વારા શસ્ત્રો છોડવામાં આવવાના હતા. સાંબા આંતરરાષ્ટ્રીય સરહદ પાકિસ્તાન માટે હથિયારો છોડવા માટેનો મુખ્ય માર્ગ છે. અનંતનાગ અને સાંબા પોલીસે કરેલી કાર્યવાહીથી, એક મોટુ આતંકવાદી ષડયંત્ર નિષ્ફળ ગયુ છે.


Comments

કોમેન્ટ પોસ્ટ કરવા માટે લાગિન કરો