ગાંધીનગર-

ગુજરાતનાં કુલ 18 હજાર ગામમાંથી 4187 ગામે રસીકરણના પહેલા ડોઝમાં 100% સિદ્ધિ હાંસલ કરી છે. ટકાવારીની દૃષ્ટિએ 23% ગામોમાં પહેલા ડોઝનું સંપૂર્ણ રસીકરણ થઇ ચૂક્યું છે. હાલમાં 18 વર્ષ ઉપરની વયજૂથમાં રસીકરણ થઇ રહ્યું છે. 52% સાથે ગીર-સોમનાથ જિલ્લો સૌથી આગળ છે, જ્યારે 3.86% સાથે ડાંગ સૌથી છેલ્લે છે. છોટાઉદેપુર જિલ્લામાં 357 ગામે આ કામગીરી પૂર્ણ કરી બતાવી છે. ગાંધીનગર જિલ્લો 50%એ પહોંચવામાં જ છે. ડાંગ અને મહીસાગર જિલ્લામાં હજુ આંકડો 10%થી પણ નીચે છે. રાજ્યમાં અત્યારસુધી 5.07 કરોડ રસીકરણ થઇ ગયું છે, જેમાં 3.73 કરોડને પહેલો ડોઝ જ્યારે 1.34 કરોડને બીજો ડોઝ પણ અપાયો છે. બુધવારે રાજ્યમાં 5.15 લોકોને રસી અપાઈ હતી.


Comments

કોમેન્ટ પોસ્ટ કરવા માટે લાગિન કરો