મુંબઈ-

ભારતીય ટીમના કેપ્ટન વિરાટ કોહલીએ ટી-૨૦ વર્લ્ડ કપ બાદ તરત જ ક્રિકેટની કેપ્ટનશીપ છોડવાની જાહેરાત કરી છે. માનવામાં આવે છે કે રોહિત શર્મા હવે ટી-૨૦ ટીમની કમાન મેળવી શકે છે. કોહલીએ ટી-૨૦ ટીમની કેપ્ટનશીપ કેમ છોડી? તેમના પર કામનો ઓવરલોડ આ પાછળનું સૌથી મહત્વનું કારણ હોવાનું કહેવાય છે. જોકે ક્રિકેટના સૌથી ટૂંકા ફોર્મેટમાં વિરાટ અને રોહિતના કેપ્ટન તરીકેના આંકડાઓની તુલનાથી ઘણું સ્પષ્ટ થઈ જાય છે.

વિરાટ કોહલીએ અત્યાર સુધીમાં ૪૫ ટી-૨૦ મેચની કેપ્ટનશીપ કરી છે, જેમાંથી ૨૭ મેચ જીતી છે અને ૧૪ મેચ હારી છે. જો ૨ મેચ ટાઈ રહી તો ૨ નું કોઈ પરિણામ આવ્યું નહીં. ઝડપી ક્રિકેટમાં કોહલીની સફળતાનો સ્ટ્રાઇક રેટ ૬૫.૧૧ ટકા હતો.

સાથે જ રોહિત શર્માના રેકોર્ડની વાત કરીએ તો તેણે અત્યાર સુધી ૧૯ ટી-૨૦ મેચમાં ટીમની કેપ્ટનશીપ કરી છે. રોહિત શર્મા ૧૯ માંથી ૧૫ મેચમાં ટીમને જીતવામાં સફળ રહ્યો હતો એટલે કે તેની સફળતાનો સ્ટ્રાઇક રેટ ૭૮ ટકા છે. આ સિવાય રોહિતે આઇપીએલ માં મુંબઈ ઈન્ડિયન્સના કેપ્ટન તરીકે પણ બતાવ્યું છે કે તે આ ફોર્મેટમાં કોહલી કરતાં વધુ સારો કેપ્ટન છે.


Comments

કોમેન્ટ પોસ્ટ કરવા માટે લાગિન કરો