કેનબેરા

ભારતે ઓસ્ટ્રેલિયા સામે ત્રણ T-20 સીરિઝની પહેલી મેચમાં કેનબરા ખાતે 20 ઓવરમાં 7 વિકેટે 161 રન કર્યા છે. ભારત માટે લોકેશ રાહુલે પોતાના T-20 કરિયરની 12મી ફિફટી ફટકારતા 51 રન કર્યા. જ્યારે રવિન્દ્ર જાડેજાએ ઇનિંગ્સને ફિનિશિંગ ટચ આપતા 23 બોલમાં 5 ફોર અને 1 સિક્સની મદદથી 44* રન કર્યા. વિરાટ કોહલી, શિખર ધવન, મનીષ પાંડે નિષ્ફ્ળ રહ્યા હતા. ત્રણેયે મળીને માત્ર 12 રન કર્યા. કાંગારું માટે મોઝેઝ હેનરિક્સે 3, મિચેલ સ્ટાર્કે 2, જ્યારે એડમ ઝામ્પા અને મિચ સ્વેપ્સને 1-1 વિકેટ લીધી.

ઓસ્ટ્રેલિયા માટે મીડિયમ પેસર મોઝેઝ હેનરિક્સે પોતાના ઇન્ટરનેશનલ T-20 કરિયરનો શ્રેષ્ઠ દેખાવ કરતા 4 ઓવરમાં 22 રન આપીને 3 વિકેટ લીધી હતી. તેણે લોકેશ રાહુલ, સંજુ સેમસન અને હાર્દિક પંડ્યાને પેવેલિયન ભેગા કર્યા હતા. પંડ્યા હેનરિક્સની બોલિંગમાં લોન્ગ-ઓફ પર સ્ટીવ સ્મિથના હાથે કેચ આઉટ થયો હતો. તેણે 15 બોલમાં 1 સિક્સની મદદથી 16 રન કર્યા હતા.

લોકેશ રાહુલે પોતાના T-20 કરિયરની 12મી ફિફટી ફટકારતા 40 બોલમાં 5 ફોર અને 1 સિક્સની મદદથી 51 રન કર્યા હતા. તે હેનરિક્સની બોલિંગમાં લોન્ગ-ઓન પર એબોટ દ્વારા કેચ આઉટ થયો હતો. તે પહેલાં મનીષ પાંડે 2 રને ઝામ્પાની બોલિંગમાં શોર્ટ થર્ડમેન પર હેઝલવુડ દ્વારા કેચ આઉટ થયો હતો. જ્યારે સંજુ સેમસન 23 રને મોઝેઝ હેનરિક્સની બોલિંગમાં એક્સ્ટ્રા કવર પર સ્વેપ્સનના હાથે કેચ આઉટ થયો હતો



Comments

કોમેન્ટ પોસ્ટ કરવા માટે લાગિન કરો