સાબરકાંઠા : સાબરકાંઠા જિલ્લામાં એક ચકચારી ઘટના સામે આવી છે. તલોદના કોંગ્રેસી મ્યુનિસિપલ કાઉન્સિલર રાજુ શાહે એક યુવતી સાથે દુષ્કર્મ આચરી અને તેને ગર્ભવતી બનાવી હોવાની ફરિયાદ નોંધાઈ છે. ફરિયાદીના આક્ષેપ મુજબ કોર્પોરેટરે તેની સાથે બળજબરીપૂર્વક સંબંધ બાંધી અને તેને ગર્ભવતી બનાવી હતી અને ત્યારબાદ ગર્ભપાત પણ કરાવ્યો હતો. ઘટનાના પગલે રાજકીય ભૂકંપ આવ્યો છે.પીડિતાની ફરિયાદ મુજબ રાજુ શાહ તેને ધાકધમકી આપીને જોગણી માતાના મંદિરે લઈ જઈ અને તેને ખોટી રીતે સિંદૂર પુરી અને ખોટા લગ્ન કર્યા હતા. ત્યારબાદ પીડિતાના પતિની ગેરહાજરીમાં અવારનવાર બળજબરીપૂર્વક સંબંધ બાધ્યો હતો. જોકે, પીડિતાએ ફરિયાદમાં જણાવ્યું છે કે તેને આના કારણે એક બાળકનો જન્મપણ થયો હતો. જ્યારે એક વાર ગર્ભવતી બનાવી અને ત્યારબાદ બળજબરીપૂર્વક ગર્ભપાત કરાવવામાં પણ આવ્યો હતો. આ સમગ્ર ઘટનામાં સત્ય શું છે તે પોલીસ તપાસના અંતે જ આવી શકે છે. જોકે, હાલમાં તો આ કિસ્સો બહાર આવતા પોલીસે પીડિતાની ફરિયાદના આધારે તલોદ પોલીસ મથકમાં યોગ્ય કલમો દાખલ કરી અને કાયદેસરની કાર્યવાહી કરી છે પરંતુ જનતાના સેવક સામેના આવા આક્ષેપોના પગલે જાહેર જીવન લજવાયું છે. જોકે, આ આક્ષેપોમાં કેટલું સત્ય છે તે તો તપાસના અંતે જ જાણી શકાશે.


Comments

કોમેન્ટ પોસ્ટ કરવા માટે લાગિન કરો