આણંદ : આણંદ જિલ્લામાં ગુજરાતનો સૌપ્રથમ પ્રાણીઓ માટેનો પેટપાર્ક ખુલ્લો મૂકવામાં આવ્યો છે. આજે જિલ્લા કલેક્ટર આર.જી. ગોહિલ અને જિલ્લા પોલીસ વડા અજીત રાજીયન દ્વારા આણંદ ખાતે આ અનોખો પેટપાર્ક ખુલ્લો મૂકવામાં આવ્યો હતો. 

વિદેશમાં જે રીતે પાલતું પ્રાણીઓ માટે પાર્ક ઊભાં કરવામાં આવ્યાં છે એ જ રીતે ગુજરાતમાં પણ પાલતું પ્રાણીઓ પોતાના માલિક સાથે આવીને આનંદ કરી શકે એ આશયથી આણંદમાં સૌ પ્રથમ પેટપાર્ક શરૂ કરવામાં આવ્યો છે. આણંદના બાકરોલ-વડતાલ રોડ ઉપર આવેલ જાેળ ગામે પાણીની કેનાલ પાસે આશિયાના ફોર એનિમલ નામના આ પેટપાર્કમાં પાલતંુ પ્રાણીઓ રમી શકે તે માટે અલગ અલગ સાધનો ઉપરાંત પૂલની પણ વ્યવસ્થા કરવામાં આવી છે. સાથે જ આ જગ્યા પર એક પેટકેફે ઊભૂં કરવામાં આવ્યું છે, જ્યાં માલિક અને પેટ બંને માટે અલગ અલગ વાનગીઓના મેનંુ રાખવામાં આવ્યાં છે. આણંદ ખાતે આ રીતનું આ કેફે પણ સૌપ્રથમ વખત ખુલ્યું છે.

આરઆરએસએ સંસ્થાના સંચાલક ભાવેશભાઈનું કહેવું છે કે, આ પ્રયત્ન થકી જે પણ ફંડ ઊભૂંં થશે તે ફંડ સંસ્થાના એનિમલ શેલ્ટર ખાતે સારવાર લઈ રહેલાં રસ્તે રખડતાં પ્રાણીઓની દવા અને ખોરાક પાછળ ખર્ચ કરવામાં આવશે.


Comments

કોમેન્ટ પોસ્ટ કરવા માટે લાગિન કરો