મોટેરા 

સૈયદ મુસ્તાક અલી ટ્રોફી ટી ૨૦ ટૂર્નામેન્ટના બીજા સેમિફાઇનલમાં બરોડાએ પંજાબને ૨૫ રનથી હરાવ્યું. બરોડા હવે ફાઈનલમાં ૩૧ જાન્યુઆરીએ તમિળનાડુનો સામનો કરશે. અમદાવાદના સરદાર પટેલ સ્ટેડિયમ (મોટેરા સ્ટેડિયમ) ખાતે રમાયેલી આ મેચમાં પંજાબે ટોસ જીતીને બોલિંગનો ર્નિણય લીધો હતો.

બરોડાએ ૨૦ ઓવરમાં ૩ વિકેટે ૧૬૦ રન બનાવ્યા. લક્ષ્યનો પીછો કરતા પંજાબ ૨૦ ઓવરમાં ૮ વિકેટે ૧૩૫ રન બનાવી શક્યું હતું. અભિષેક શર્મા તરીકે પંજાબને પહેલો ઝટકો લાગ્યો. તેને બીજી ઓવરના બીજા બોલ પર લુકમેન મેરીવાલાએ બોલ્ડ કર્યો. અભિષેક ૭ બોલમાં ૫ રન બનાવી શક્યો. તેની જગ્યાએ જમણા હાથના બેટ્‌‌સમેન અનમોલપ્રીત સિંહે લીધું હતું. જ્યારે અભિષેક આઉટ થયો ત્યારે પંજાબનો સ્કોર ૬ રન હતો.

બરોડા તરફથી કેપ્ટન કેદાર દેવધર અને કાર્તિક કાકાડે અડધી સદી ફટકારી હતી. કેદાર ૪૯ બોલમાં ૪ ચોગ્ગા અને ૩ છગ્ગાની મદદથી ૬૪ રન બનાવીને આઉટ થયો હતો. તે ૨૦ મી ઓવરના પહેલા બોલમાં અભિષેક શર્મા દ્વારા સંદીપ શર્માના હાથે કેચ આઉટ થયો હતો. કેદાર આઉટ થયા પહેલા કાર્તિક સાથે ૯૩ બોલમાં ૬૫ રનની ભાગીદારી નોંધાવી રહ્યો હતો. કેદારે તેની અડધી સદી ૩૭ બોલમાં પૂરી કરી હતી.


Comments

કોમેન્ટ પોસ્ટ કરવા માટે લાગિન કરો