દિલ્હી-

દેશમાં વ્યવસાય માટેના સ્વતંત્રતાભર્યા વાતાવરણમાં કેનેડાની એક સંસ્થા દ્વારા પ્રકાશિત કરવામાં આવેલી વાર્ષિક તુલનાત્મક રિપોર્ટ‘ગ્લોબલ ઈકોનોમિક ફ્રીડમ ઈન્ડેક્સ (વૈશ્વિક આર્થિક સ્વતંત્રતા યાદી) 2020માં ભારત 26માં સ્થાન નીચે આવ્યુ છે. તે હવે 105માં સ્થાન પર આવી ગયુ છે.

ગત વર્ષ દેશ 79માં સ્થાને હતો. આ યાદીમાં હોંગકોંગ અને સિંગાપુર પ્રથમ અને બીજા સ્થાન પર તથા ચીન 124માં સ્થાન પર છે. રિપોર્ટ મુજબ એક વર્ષમાં સરકારે આકાર, ન્યાયિક પ્રણાલી અને સંપત્તિના અધિકાર, વૈશ્વિક સ્તર પર વ્યાપારની સ્વતંત્રતા, નાણા, શ્રમ અને વ્યવસાયના વિનિયમન જેવી પરિક્ષમાં ભારતની સ્થિતિ થોડી ખરાબ થઈ છે.

10 અંકના માપદંડ પર સરકારે આકારના મામલામાં ભારતને એક વર્ષ પહેલા 8.22ની સરખામણીએ 7.16 અંક, કાયદાકીય પ્રણાલીમાં 5.17ની જગ્યાએ 5.06 આંતરરાષ્ટ્રીય વ્યાપારની સ્વતંત્રતાના મામલામાં 6.08 ની જગ્યાએ 5.71 અને નાણા, શ્રમ તથા વ્યવસાયના વિનિયમના મામલામાં 6.63ની જગ્યાએ 6.53 અંક મળ્યા છે. આમાં મળેલા આંત 10ની જેટલા નજીક હોય છે સ્થિતિ સારી માનવામાં આવે છે. આ રિપોર્ટને ભારતમાં દિલ્હીની બિનસરકારી સંસ્થા સેન્ટર ફોર સિવિલ સોસાયટીએ ગુરુવારે જાહેર કર્યો હતો.

યાદીમાં પ્રથમ દસ દેશોમાં ન્યૂઝિલેન્ડ, સ્વિઝરલેન્ડ, અમેરિકા, ઓસ્ટ્રેલિયા, મોરિશિયસ, જાેર્જિયા, કેનેડા અને આયરલેન્ડનો સમાવેશ થાય છે. જાપાન યાદીમાં ૨૦મા, જર્મની ૨૧માં સ્થાને, ઈટલી ૫૧માં, ફ્રાન્સ ૫૮માં અને રુસ ૮૯માં સ્થાને છે. આ માટે વિભિન્ન દેશોની નીતિઓ અને સંસ્થાનોનું વિશ્લેષણ કરવામાં આવ્યું છે.



Comments

કોમેન્ટ પોસ્ટ કરવા માટે લાગિન કરો