નવી દિલ્હી

ઓલિમ્પિકની તૈયારી કરી રહેલ ભારતીય સ્ટાર શટલર પીવી સિંધુ તેની તૈયારીઓ કરવા મંગળવારથી શરૂ થનારી સ્વિસ ઓપન ટૂર્નામેન્ટમાં રમવા ઉતરશે. તે જ સમયે ભૂતપૂર્વ ચેમ્પિયન સાઇના નેહવાલ ફરીથી લય મેળવ્યા બાદ જોરદાર વાપસી કરવા પર ધ્યાન કેન્દ્રિત કરશે. સાઇના નેહવાલ હજી સુધી ઓલિમ્પિક માટે ક્વોલિફાય થઈ નથી અને આવી સ્થિતિમાં આ ટૂર્નામેન્ટ તેના માટે ખૂબ મહત્વની છે.

ભારતના પુરૂષ સિંગલ્સ ખેલાડીઓ સમીર વર્મા, એચએસ પ્રણય અને કિદામ્બી શ્રીકાંતે પણ અહીં અનુક્રમે વર્ષ ૨૦૧૮, ૨૦૧૬ અને ૨૦૧૫ માં ખિતાબ જીત્યા હતા. જ્યારે બી સાઈ પ્રણીત ગત સીઝનમાં રનર્સ અપ રહ્યો હતો. આ ચાર ખેલાડીઓ ૧૪૦,૦૦૦ ડોલર ની ઇનામ સ્પર્ધામાં તેના જુના પ્રદર્શનનુ પુનરાવર્તન કરવાનો પ્રયાસ કરશે. આ ટૂર્નામેન્ટ ઓલિમ્પિક ક્વોલિફાઇંગ સ્પર્ધાઓને પણ પુનર્સ્થાપિત કરશે. ઓલિમ્પિક સિલ્વર મેડલ વિજેતા સિંધુએ અહીં સેન્ટ જેકબશેલ સ્થળે ૨૦૧૯ માં વર્લ્ડ ચેમ્પિયનશિપ ગોલ્ડ મેડલ જીત્યો હતો. કોવિડ-૧૯ રોગચાળા પહેલા તેનું આ છેલ્લું ટાઇટલ હતું.

બીજી ક્રમાંકિત સિંધુ પ્રથમ રાઉન્ડમાં તુર્કીની નેસલીહાન એગિટ સામે ટકરાશે. અહીં ક્વાર્ટર ફાઇનલ સુધી પહોંચવું સહેલું લાગે છે પરંતુ અંતિમ આઠમાં તેનો સામનો પાંચમી ક્રમાંકિત થાઇ ખેલાડી બુસાનાન ઓંગબમંરગફાન સાથે થશે. જેણે જાન્યુઆરીમાં ટોયોટા થાઇલેન્ડ ઓપનમાં હરાવ્યો હતો.

બે વખતની પૂર્વ ચેમ્પિયન સાઇના પણ સિંધુ વાળા હાફમાં છે. સેમી ફાઇનલમાં આ બંને ભારતીય ખેલાડીઓ સામ-સામે આવી શકે છે. જો કે સાઇનાએ અગાઉ છઠ્ઠા ક્રમાંકિત કોરિયાના સંગ જી હ્યુન અને ચોથી ક્રમાંકિત ડેનમાર્કની મિયા બ્લિચફેલ્ડને પડકાર નો સામનો કરવો પડશે.


Comments

કોમેન્ટ પોસ્ટ કરવા માટે લાગિન કરો